బోణి కొట్టిన భారత్, శ్వేతాచౌదరికి క్యాంసం

Posted: 09/20/2014 09:45 AM IST

ఆసియా క్రీడల్లో భారత్ బోణీ కొట్టింది. దక్షిణ కొరియాలోని ఇంచియాన్లో వైభవంగా ప్రారంభమైన ఏషియాడ్ గేమ్స్లో భారత క్రీడాకారిణి శ్వేతా చౌదరి తొలి పతాకాన్ని అందించింది.  పది మీటర్ల ఎయిర్పిస్టల్ మహిళల విభాగంలో కాంస్య పతకం సాధించింది. ప్రపంచ మహిళల ఎయిర్ పిస్టల్ విభాగంలో 46వ ర్యాంకులో కొనసాగుతున్న శ్వేత.. నాలుగు రౌండ్లలో 383 స్కోరు సాధించి అందరినీ ఆశ్చర్యానికి గురిచేసింది. 2006లో జరిగిన దోహా అసియన్ గేమ్స్ లో కూడా శ్వేత రజత పతకం సాధించింది, చైనా క్రీడాకారిణి జాంగ్ మెన్ గ్యూన్ బంగారు పతకాన్ని సాధించగా, దక్షిణ కోరియాకు చెందిన జుంగ్ జీహీ రజత పతకాన్ని సాధించింది.

 ప్రపంచ క్రీడా చరిత్రలోనే ఒలింపిక్స్ అనంతరం రెండో అతి పెద్ద క్రీడా ఈవెంట్‌గా పేరు తెచ్చుకున్న ఏసియన్ గేమ్స్‌లో.. ఆసియా ఖండానికి చెందిన 45 దేశాల నుంచి 13 వేల మంది అథ్లెట్లు తమ ప్రావీణ్యాన్ని చూపనున్నారు. 2010లో భారత్ 35 క్రీడాంశాల్లో పోటీపడగా.. ఈసారి ఆసంఖ్య 28కి పడిపోయింది. ఇక ఇంచియాన్‌లో పలు క్రీడాంశాల్లో భారత్ నుంచి ప్రాతినిధ్యమే లేదు. మొత్తం 516 మంది క్రీడాకారులు ఆసియా క్రీడల్లో బరిలో ఉన్నారు. అలాగే 2018లో జరగబోయే ఆసియా గేమ్స్‌కు ఇండోనేసియాలోని జకర్తా ఆతిథ్యమివ్వనుంది.

జి.మనోహర్