అక్రమ సంబంధం బయటపెట్టినందుకు హత్య

Posted: 09/14/2014 03:46 PM IST

విజయవాడలో దారుణం జరిగింది అక్రమ సంబంధం బయటపెట్టిందనే కోపంతో ఓ వ్యక్తి మహిళను దారుణంగా హత్య చేశాడు. సునీత అనే మహిళ స్థానికంా బ్యూటిపార్లర్ నడుపుతోంది. ఆమె పార్లర్ కు నిందితుడు సుభానీఖాన్ మూడు వారాల క్రితం ఓ మహిళతో కలిసి వచ్చాడు. ఈ విషయాన్ని సునీత సుభానీ భార్యకు తెలిపింది. దీంతో భార్య భర్తలిద్దరి మద్య ఈ వ్యవహారంపై గొడవలు జరిగాయి. సునీత తన భార్యకు చెప్పినట్లు తెలుసుకున్న నిందితుడు ఆమెపై కక్ష్య పెంచుకున్నాడు.

సునీతను హత్య చేయాలని పధకం రచించి.. శనివారం రాత్రి ఆమెపై కత్తితో దాడి చేశాడు. తీవ్రంగా గాయపడ్డ సునీతను స్థానికుల సాయంతో ఆస్పత్రికి తరలించారు. అటు ఈ ఘటనకు పాల్పడిన వెంటనే నిందితుడు పరారయ్యాడు. సుభానీ కోసం పోలీసులు గాలిస్తున్నారు. అక్రమ సంబంధం విషయం బయటపెట్టినందుకే ఈ దారుణానికి పాల్పడినట్లు స్థానికులు చెప్తున్నారు.

కార్తిక్