దసరా సెలవులొచ్చేశాయ్..

Posted: 09/11/2014 10:07 AM IST

Andhrapradesh government announces dasara holiday dates

ఆంధ్రప్రదేశ్ ప్రభుత్వం దసరా సెలువులు ప్రకటించింది. ఏపీలోని పాఠశాలలకు సంబంధించి ఈనెల 26నుంచి అక్టోబర్ 4వతేదీ వరకు 9రోజుల పాటు దసరా సెలవులు ప్రకటించింది. అయితే అక్టోబర్ 5వ తేది ఆదివారం కావటంతో విద్యార్థులకు ఒకరోజు సెలవు ఎక్కువ వచ్చింది. ఏపీలో తిరిగి పాఠశాలలు అక్టోబర్ 6న ప్రారంభం అవుతాయన్నమాట. అక్టోబర్ 3న దసరా ( విజయదశమి) పండగ. తెలంగాణలోని పాఠశాలలకు సంబంధించి ఆ రాష్ర్ట ప్రభుత్వం ఇంకా సెలవులు ప్రకటించాల్సి ఉంది.

దేశంలో బాగా జరుపుకునే పండగల్లో దసరా ఒకటి. ఈ పండగను దేశ వ్యాప్తంగా హిందువులు జరుపుకుంటారు. ఒక్కోచోట ఒక్కో ఆచారాల ప్రకారం జరుపుకుంటారు. ఆయుధ పూజలు, కొన్ని చోట్ల రావణ వధలు జరుగుతాయి. ఇక తెలంగాణలో అయితే ఈ పండగను ప్రతిష్టాత్మకంగా నిర్వహిస్తారు. పండగకు పదిరోజుల ముందే బతుకమ్మ సందడి మొదలవుతుంది. దేవి శరన్నవరాత్రి ఉత్సవాలు నిర్వహించి అమ్మవారిని కొలుస్తుంటారు. దసరా రోజు ఇండ్లలో పూజలు చేసుకోవటంతో పాటు జమ్మచెట్టును, పాలపిట్టను దర్శించుకోవటం ఆనవాయితీగా వస్తోంది.

కార్తిక్