రాజధాని ఎంపిక రాజకీయ నిర్ణయమే కదా !

Posted: 09/05/2014 03:01 PM IST

ఏపీ రాజధానిపై చంద్రబాబు ఏ ముహూర్తాన ప్రకటన చేశారో కాని.., తీవ్ర ప్రకంపనలు వస్తున్నాయి. ఇప్పటికే సభ లోపలా.., బయట బాబు నిర్ణయంపై విమర్శలు వస్తున్నాయి. మాజి మంత్రి సీ. రామచంద్రయ్య చంద్రబాబు నిర్ణయాన్ని తప్పుబట్టారు. కౌన్సిల్ లో ప్రతిపక్ష నేతగా ఉన్న రామచంద్రయ్య.., రాజధానిపై సభలో జరిగిన చర్చలో పాల్గొన్నారు. రాజధాని ఎంపిక రాజకీయ నిర్ణయమా? కాదా అని ప్రశ్నించారు. అధికార పక్షం ఆదిపత్యం ఎక్కువగా ఉండే విజయవాడ పరిస రాల్లోనే రాజధాని ఏర్పాటు చేశారని పరోక్షంగా ఆరోపంచారు.

విజయవాడలో రాజధాని ఏర్పాటు చేయటం ద్వారా రాయల సీమ ప్రజలను ఎలా సంతృప్తి పరుస్తారో చెప్పాలన్నారు. ప్రజల్లో అనవసర ఆశలు రేకెత్తిస్తూ.., గందరగోళానికి గురిచేస్తున్నారని విమర్శించారు. అయితే ఈ వాదనను టీడీపీ సభ్యులు తోసిపుచ్చారు. సీమ అభివృద్ధి కోసం బాబు ఆ ప్రాంతానికి ప్రత్యేక పధకాలు స్మార్ట్ సిటీలు ప్రకటించారని గుర్తు చేశారు. వాటివల్ల రాయలసీమ అభివృద్ధి చెందుతుందన్నారు.

 

కార్తిక్