ఆల్ ఖైదా బ్రాంచ్ పై హోంశాఖ హై అలర్ట్

Posted: 09/04/2014 04:07 PM IST

దేశంలో ఆల్ ఖైదా శాఖను ప్రారంభిస్తున్నట్లు ఉగ్రవాద సంస్థ చీఫ్ అల్ జవహరి వీడియో ప్రసంగ ప్రకటనపై కేంద్ర హోంశాఖ అప్రతమత్తమైంది. వీడియోపై స్పందించిన హోంమంత్రి రాజ్ నాధ్ సింగ్ ఉన్నతాధికారులతో సమావేశం నిర్వహించారు. వీడియో ఆధారాలు, అందులోని వాస్తవికతను పరిశీలించాలని ఇంటలిజెన్స్ ను ఆదేశించారు. అంతేకాకుండా ఉగ్రవాద కదలికలపై కూడా నిఘా పెట్టాలని ఆదేశించింది. అటు అన్ని రాష్ర్టాలు కూడా అప్రమత్తంగా ఉండాలని ఆదేశాలు పంపినట్లు హోంశాఖ వర్గాలు వెల్లడించాయి.

అల్ జవహరి ప్రసంగం పేరుతో బుదవారం సోషల్ మీడియాలో వీడియో విడుదలైంది. ఈ వీడియోలో దేశంలో అణిచివేతకు, వివక్షకు గురవుతున్న ముస్లింలను ఆదుకునేందుకు భారత్ లో కూడా ఆల్ ఖైదా బ్రాంచ్ ప్రారంభిస్తున్నట్లు జవహరి తెలిపారు. ముస్లింల భూములు తిరిగి వారికి అప్పగించటం, షరియా అను అమలు చేయటం సహా ఇతర అంశాలపై తమ సంస్థ పోరాడుతుందని తెలిపారు. భారత శాఖ చీఫ్ గా అసిమ్ ఉమర్ వ్యవహరిస్తారని చెప్పారు.

 

కార్తిక్