ఇండియాపై మరోసారి కన్నేసిన తెల్లదొరలు

Posted: 08/23/2014 12:36 AM IST

(Image source from: Britain is ready to invest in india)

అప్పుడెప్పుడో మన భారత్‌లో పెట్టుబడులు పెట్టుకుంటామంటూ చెప్పి తమ వ్యాపారాలను మొదలుపెట్టిన తెల్లదొరలు... ఏకంగా 200 సంవత్సరాలు మన భారతీయులను తమ బానిసలను చేసుకుని పాలించారు. మన భారతీయులను పన్నులు కట్టాల్సిందేనంటూ ఎన్నోరకాల కష్టాలకు గురిచేసి వారిని చిత్రహింసలు చేసిన సంఘటనలు ఇంకా మన చరిత్ర పుస్తకాల్లో అచ్చులు గుద్దేసుకుని వున్నాయి. దాంతో మాకు స్వేచ్ఛ కావాలంటూ బ్రిటీష్‌వారికి వ్యతిరేకంగా ఇండియన్స్ గళం విప్పారు. ఎంతోమంది ఉద్యమకారులు ఎన్నో ఉద్యమాలను నిర్వహించి ప్రజల్లో చైతన్యం నింపారు. ఈ నేపథ్యంలో ఎంతోమంది తమ ప్రాణాలను కోల్పోయారు. చివరకు మన మహాత్మగాంధీజీ అహింసతో ఆ తెల్లదొరలను తరిమికొట్టి మనకు స్వాతంత్ర్యాన్ని తెచ్చిపెట్టారు.

అనంతరం ఇప్పుడు మన భారతదేశం సాంకేతిక రంగంలో దూసుకుపోతూ ప్రపంచదేశాలతో పోటీపడుతోంది. కేవలం సాంకేతికపరంగానే కాదు.. అన్నిరంగాల్లోనూ అగ్రదేశాలకు ధీటుగా పోటీ ఇస్తోంది. ఈ నేపథ్యంలో కొన్ని విదేశీ కంపెనీ సంస్థలు మన ఇండియాతో చేతులు కలిపి.. ఇక్కడ రకరకాల పెట్టుబడులను పెట్టారు. ఈ నేపథ్యంలో తెల్లదొరలు మన ఇండియాపై మరోసారి కన్నేసినట్టు సమాచారం! అయితే ఈసారి భారత్‌ను పాలించడానికి అయితే కాదులెండి.. వారు కూడా మన ఇండియాతో బిజినెస్ వ్యవహారాల విషయంలో భాగస్వామ్యం పంచుకోవడానికి సిద్ధమయ్యారు. భారత్‌లో పెట్టుబడులు పెట్టడానికి వారు ముందుకు వస్తున్నారు.

అన్నిరంగాల్లోనూ మన ఇండియా ప్రపంచంలోని అగ్రరాజ్యాలతో పోటీపడుతున్న నేపథ్యంలో బ్రిటన్ ఇక్కడ పెట్టుబడులు పెట్టేందుకు సిద్ధమవుతోంది. ఈమేరకు సమాచారాలు బ్రిటన్ నుంచి వెలువడుతున్నాయి. ఈ నేపథ్యంలో బ్రిటన్ ఉపప్రధాని నిక్ క్లేగ్ ఇండియాలో మూడురోజుల వరకు పర్యటించనున్నారు. అలాగే సోమవారం నుంచి ప్రారంభమయ్యే బిజినెస్ సమ్మిట్ లో ఈయన పాల్గొని... తాము భారత్‌లో పెట్టుపడులు పెట్టునున్నట్లు వెల్లడించే అవకాశాలు వున్నాయి. ఆయన పర్యటించే సమయంలో బ్రిటన్, భారత్ శాస్త్రవేత్తల మధ్య కూడా ఒప్పందాలు కుదిరే అవకాశాలున్నాయని భావిస్తున్నారు.