కానిస్టేబుల్ సతీష్ కు స్త్రీ కనిపిస్తే రాసలీలలే?

Posted: 07/26/2014 06:22 PM IST

ఖాకీ చొక్క వేసుకున్న కామాందుడు. పోలీసులు మెట్లు ఎక్కిన ఏ స్రీ అయిన సరే ఆ కానిస్టేబుల్ కామ కోరికలకు బలికావాల్సిందే. వృత్తి రీత్యా అతనో కానిస్టేబుల్... ప్రవృత్తి తమకు రక్షణ కల్పించండి, ఇబ్బందుల్లో ఉన్నాం అంటూ పోలీసులను ఆశ్రయించిన మహిళలను మభ్యపెట్టి ముగ్గులోకి దించడం.

పశ్చిమగోదావరి జిల్లా జీలుగుమిల్లి పోలీస్ స్టేషన్ లో కానిస్టేబుల్ గా విధులు నిర్వర్తించే సతీష్ అనే కానిస్టేబుల్ అందరికీ ఎస్సైనని, స్టేషన్ వ్యవహారాలు చూసేది తానేనని నిందితులు, బాధితులను నమ్మిస్తాడు. ఫిర్యాదు కోసం వచ్చే మహిళలను క్వార్టర్స్ లోని తన రూంకు రప్పించుకుని లైంగిక వేధింపులు ఆరంభిస్తాడు. ఒప్పుకుంటే సరే లేకుంటే బెదిరింపులకు దిగుతాడు. ఇదీ అతని అసలు స్వరూపం.

ఇతనిపై చాలా ఆరోపణలున్నప్పటికీ ఉన్నతాధికారులు పట్టించుకోకపోవడం విశేషం. గతంలో ఇతను పెదవేగి పోలీస్ స్టేషన్ లో పని చేసినప్పుడు ఓ యువతిని ప్రేమపేరుతో మోసం చేశాడు. దీనిని భరించలేని ఆమె ఆత్మహత్య చేసుకుంది. ఆ కేసు విచారణలో ఉంది.

జీలుగుమిల్లి క్వార్టర్స్ లో ఇతని వ్యవహారశైలిపై మండిపడ్డ స్థానికులు కిటికీకి ఓ రహస్య కెమెరా ఏర్పాటు చేసి అతను మహిళల్ని ఎలా లొంగదీసుకునేది చిత్రీకరించి ఉన్నతాధికారులకు అందజేశారు. కానిస్టేబుల్ సతీష్ రాసలీలల వ్యవహారంపై జంగారెడ్డి గూడెం డీఎస్పీ సుబ్బరాజు విచారణకు ఆదేశించారు. విచారణ పూర్తికాగానే నివేదిక ప్రకారం సతీష్   పై క్రమశిక్షణ చర్యలు తీసుకుంటామని డీఎస్పీ స్పష్టంచేశారు.

RS