ఐటీ ఉద్యోగస్తులకు కేసీఆర్ శుభవార్త

Posted: 07/15/2014 02:13 PM IST

(Image source from: Kcr giving good news to it employees)

తెలంగాణ రాష్ట్ర ముఖ్యమంత్రి కేసీఆర్... తెలంగాణ అభివృద్ధి పనుల్లో ముందడుగు వేయడం ప్రారంభించారు. ఐటీ ఉద్యోగస్తులకు భరోసానిస్తూ.. మరొకొత్త ఐటీ పార్కుకు శ్రీకారం చుట్టారు. హైదరాబాద్ లోని నానక్ రాంగూడలో సీఎం కేసీఆర్ కొత్త ఐటీ పార్క్ నిర్మాణానికి మంగళవారంనాడు శ్రీకారం చుట్టారు. వేవ్ రాక్ ఐటీ ప్రారంభోత్సవంలో ముఖ్యమంత్రి కేసీఆర్... ఐటీ ఉద్యోగస్తులకు ఒక శుభవార్తను పేర్కొన్నారు. ఇందులో కేసీఆర్ తోపాటు ఐటీశాఖ మంత్రి కేటీఆర్, పలువురు మంత్రులు, ఉన్నతాధికారులు కూడా పాల్గొన్నారు.

ప్రారంభోత్సవం అయిన అనంతరం సీఎం కేసీఆర్ మాట్లాడుతూ.. హైదరాబాదుకు చాలా మంచి భవిష్యత్తు వుందని ఆయన పేర్కొన్నారు. అలాగే హైదరాబాద్ ను ఒక డిజిటల్ సిటీగా రూపొందిస్తామని చెప్పిన ఆయన... ఇక్కడ పెట్టుబడులు పెట్టుకునేవారికి ఎటువంటి ఇబ్బందులు కలగకుండా సింగిల్ విండో విధానం ద్వారా అన్నిరకాల అనుమతులు మంజూరు చేయిస్తామని ఆయన అన్నారు. సామాన్య ప్రజలకు రక్షణ కల్పించేవిధంగా, వారికి కూడా సరియైన ఉపాధి అవకాశాలు కల్పించేలా అన్ని చర్యలు తీసుకుంటామని ఆయన వెల్లడించారు.