సీమాంద్రలో కాంగ్రెస్ తొలి అడుగు

Posted: 06/17/2014 07:41 AM IST

ఎన్నికల చతికలపడిన కాంగ్రెస్ పార్టీ లేటుగా నిద్రలేచింది. తన ఓటమి పై సీమాంద్రలో కాంగ్రెస్ తొలి అడుగు వేసింది. రాష్ట్ర విభజనతో ప్రజలతో కోల్పోయిన సంబంధాలను తిరిగి పునరుద్ధరించుకోవాలంటే సీమాంధ్రలోనే కార్యాలయం ఏర్పాటు చేసుకోవాలని నిర్ణయించుకున్న కాంగ్రెస్, అందులో తొలి అడుగుగా విజయవాడలో మొదటి సమావేశం ఏర్పాటు చేయనున్నది. విజయవాడకు పార్టీ ప్రధాన కార్యాలయం తరలించాలని ఆంధ్రప్రదేశ్ కాంగ్రెస్ పార్టీ నాయకత్వం ఆలస్యంగా నిర్ణయం తీసుకుంది.

ఆంధ్రప్రదేశ్ర రాష్ట్ర రాజధాని నగరం విజయవాడ - గుంటూరు నగరాల మధ్య ఏర్పాటవుతుందని ఇప్పటికే రాష్ట్ర ముఖ్యమంత్రి నారా చంద్రబాబు నాయుడు సంకేతాలిచ్చిన సంగతి తెలిసిందే. దీంతో ఆంధ్రప్రదేశ్ రాష్ట్ర కాంగ్రెస్ నాయకత్వం కూడా తమ ప్రధాన కార్యాలయాన్ని హైదరాబాద్ నుంచి విజయవాడకు తరలించాలని నిర్ణయించుకుంది. కాంగ్రెస్ పార్టీ నిర్ణయంతో తెలుగుదేశం పార్టీ, వైఎస్ఆర్ కాంగ్రెస్ పార్టీ నాయకత్వాలు కూడా విజయవాడ నగరంలో తమ పార్టీ ప్రధాన కార్యాలయ నిర్మాణంపై దృష్టి సారించాయి.

RS