వారు బైబిల్ పట్టుకుని కనిపిస్తారు...Babu

Posted: 05/01/2014 06:08 AM IST

తెలుగుదేశం అధినేత చంద్రబాబు నాయుడు వై.ఎస్.ఆర్.కాంగ్రెస్ ప్రధాన ప్రచార కర్తలపై తీవ్రంగా ధ్వజమెత్తారు. విజయమ్మ బైబిల్ పట్టుకుని ప్రజలలో తిరగడాన్ని పరోక్షంగా ప్రస్తావిస్తూ,వైఎస్సార్ కాంగ్రెస్ పార్టీ నాయకులు బైబిల్ పట్టుకుని తిరుగుతారని, దేవుడిపై బాగా భయం, భక్తి ఉన్నట్లు కనిపిస్తారని ఆయన అభిప్రాయపడ్డారు. ముస్లింల ఆస్తి, క్రిస్టియన్స్ ఆస్తి మొత్తం దోచుకున్నది ఎవరన్నది ప్రజలు ఒక్కసారి ఆలోచించాలని చంద్రబాబు అన్నారు. అందుకే తెలుగుదేశం పార్టీకి ఓటేయాలని, అవినీతి పరులను ఓడించాలని, రాష్ట్ర అభివృద్ధి కోసం దోహద పడాలని చంద్రబాబు నాయుడు విజ్ఞప్తి చేశారు. . దోచుకునేవారికి కాకుండా ప్రజాభివృద్ధికి నిరంతరంగా పాటుపడేవారికి పాలనా పగ్గాలు అప్పగించాలని చంద్రబాబు నాయుడు ప్రజలకు విజ్ఞప్తి చేశారు

నరేంద్ర మోడీ, పవన్ కళ్యాణ్‌లతో కలిసి ఆయన తిరుపతిలో వేదికను పంచుకుని బుధవారం సాయంత్రం ప్రసంగించారు. కెసిఆర్, జగన్‌లతో కలిసి రాష్ట్ర విభజనకు కాంగ్రెసు కుట్ర చేసిందని ఆయన అన్నారు. తాను ఇక్కడే పుట్టాను, ఇక్కడే చదివానని, ప్రజల అభిమానం పూర్వజన్మ సుకృతంగా భావిస్తున్నానని ఆయన అన్నారు.