సర్పంచిగా కూడా గెలవలేని జైరాం రమేష్ ఖబడ్దార్..

Posted: 04/12/2014 04:33 PM IST

ఎన్నికలు దగ్గర పడుతున్న వేళ్ళ రాజకీయ నాయకుల మధ్య మాట యుద్దం మొదలవుతుంది. తెలంగాణలో టీఆర్ఎస్ పార్టీ అధ్యక్షుడు కేసీఆర్ తన నోటికి పనిచెబుతూ కాంగ్రెస్ నాయకుల పై విమర్శల వర్షం కురిపిస్తున్నాడు. నేడు హైదరాబాద్ లోని పార్టీ కార్యాలయంలో జరిగిన విలేఖరుల సమావేశంలో కేంద్ర మంత్రి జైరామ్ రమేష్ పై నిప్పులు చెరిగారు. సర్పంచ్గా కూడా గెలవలేని జైరాం రమేష్ తమపై విమర్శలు చేస్తున్నారని ఆయన ఆరోపించారు.

తమపై ఆరోపణలు చేస్తే చూస్తూ ఉరుకోమని ...ఖబడ్దార్, జాగ్రత్తగా మాట్లాడు అంటూ జై రాం రమేష్పై కేసీఆర్ తీవ్రస్థాయిలో హెచ్చరించారు. ఈ నెల 16 నుంచి తమ ప్రచారాన్ని ముమ్మరం చేస్తామని కేసీఆర్ వెల్లడించారు. 3 డీ టెక్నాలజీ ద్వారా 700 సభలు తెలంగాణలో నిర్వహిస్తామని తెలిపారు.

సోనియా గాంధీ తెలంగాణ ప్రాంతంలో ప్రచారం చేసిన విజయం మాత్రం టీఆర్ఎస్ పార్టీదే అని ఆయన ధీమా వ్యక్తం చేశారు. గెలుపే ధ్యేయంగా టికెట్లు కేటాయించడం వల్ల కొంత మందికి సీట్లు ఇవ్వలేకపోయామని... అయితే రానున్న రోజుల్లో వారందరికీ ఎమ్మెల్సీలుగా అవకాశం కల్పిస్తామని కేసీఆర్ స్పష్టం చేశారు. 

బీసీలను సీఎం చేస్తామన్న టీడీపీ పార్టీ కేవలం 15 సీట్లిస్తే తమ పార్టీ 30 సీట్లు బీసీలకు కేటాయించామని కేసీఆర్ ఈ సందర్బంగా గుర్తు చేశారు. మరి కేసీఆర్ వ్యాఖ్యల పై కాంగ్రెస్ వారు ఎలా స్పందిస్తారో చూడాలి.