ఊపిరి ఆగేవరకు క్యాన్సర్ ను జయిస్తా

Posted: 10/19/2013 01:22 PM IST

తొంబైలోకి అడుగుపెట్టిన దేవదాసుకి.. క్యాన్సర్ ఉన్నట్లు బయటపడింది. అయితే దేవదాసు అభిమానులు, సన్నిహితులు ఒక్కసారిగా షాక్ తిన్నారు. అయితే దేవదాసే స్వయంగా.. అభిమానులకు, ప్రియ సన్నిహితులకు .. ఒక సందేహం పంపించాడు. డాక్టర్ అక్కినేని నాగేశ్వరరావు క్యాన్సర్ ను జయిస్తానని అంటున్నారు. ఆయన ఊపిరి ఆగేవరకు క్యాన్సర్ ను జయిస్తా.. అలాగే ఊపిరి సాగేవరకు నటిస్తూనే ఉంటానని అక్కినేది ధీమా వ్యక్తం చేశారు. ఈరోజు ఆయన అన్నపూర్ణ స్టూడియోలో ఏర్పాటు చేసిన మీడియా సమావేవంలో ఆయన మనసులోని మాటలను బయట పెట్టారు.

 

అక్టోబరు 8న కడుపు నొప్పి రావడంతో కొన్ని రోజులు ఆసుపత్రిలో చికిత్స చేయించుకున్నానని, ఆరోగ్యంలో క్యాన్సర్ కణాలు ప్రవేశించాయని వైద్యులు తెలిపినట్లు అక్కినేని వెల్లడించారు. వుద్దాప్యంలో క్యాన్సర్ కణాలు చురుగ్గా ఉండవని వైద్యులు చెప్పారని తెలిపారు. ఇది భయాందోళన కలిగించే విషయమేమీ కాదని, అభిమానులు, సన్నిహితులు ఎవరూ మనస్థాపానికి గురికావద్దనిసూచించారు.క్యాన్సర్ ఉందన్న విషయం తెలిసి అభిమానులెవరూ తనను బాధపెట్టవద్దని, తన ఇంటికి రావద్దని సూచించారు. తన జీవితంలో 74 ఏళ్లు సినిమాల్లో పనిచేయడం ప్రపంచంలోనే రికార్డుగా భావిస్తున్నట్లు చెప్పారు.

 

మనోబలానికి మించి అభిమానుల ప్రోత్సాహం వల్లే సినిమాల్లో నటిస్తున్నట్లు చెప్పారు. తన కుటుంబం మొత్తం సినిమా రంగం సేవలోనే ఉన్నారని, 74 ఏళ్ల సినీ ప్రస్థానంలో పలు పురుస్కారాలు, అవార్డులు, అందుకున్నానని వివరించారు.అభిమానులు ఆశీర్వాదం ఉన్నంత వరక నూరేళ్లు జీవిస్తానని పేర్కొన్నారు. ప్రస్తుతం అక్కినేని కుటుంబ కథా చిత్రం ‘‘మనం’’ లో విభిన్నమైన ప్రాతలో నాగేశ్వరరావు నటిస్తున్నారు.