మనసు జగన్ పార్టీ పై మళ్లింది? కాంగ్రెస్ సీనియర్ లీడర్

Posted: 07/09/2013 12:22 PM IST

కాంగ్రెస్ పార్టీ ఆడుతున్న ఆటలో.. తె-నేతలు, స-నేతలు పావులుగా మారిపోతున్నారు. ప్రత్యేక తెలంగాణ పై కాంగ్రెస్ పార్టీ హైకమాండ్ రోడ్ మ్యాప్ ను తెరపైకి తెచ్చి, రాష్ట్ర రాజకీయ నాయకుల మద్య కొత్త చిచ్చు పెట్టింది. ఈ రోడ్ మ్యాప్ విషయం, రాష్ట్ర విభజనకు దారితీస్తుందనే ఉద్దేశం, రాష్ట్ర రాజకీయ నాయకులు మద్య బలంగా నాటుకుంది. దీంతో కొంత మంది సీనియర్ రాజకీయ నాయకులు వారి మనసును పాడు చేసుకుంటున్నారు. సీనియర్ నాయకులు గోడదూకే పనిలో బిజీగా ఉన్నారు. అలాంటి వారిలో ముందుగా కాంగ్రెస్ పార్టీ సీనియర్ నాయకుడు గాదే వెంకటరెడ్డి ఉన్నారు. సమైక్యవాదమే నా ఊపిరి అనే నినాదం గట్టిగా కాంగ్రెస్ హైకమాండ్ వినిపించిన నాయకుడు గాదే. అయితే గాదే మనసు మారిపోయింది. గాదే మనసు కొత్త రాజకీయ పార్టీ వైపు అడుగులు వేస్తుంది.

గాదే మనసులో వైఎస్ఆర్ కాంగ్రెస్ పార్టీకి మద్దతు తెలుపుతూనే కాంగ్రెస్ పార్టీలో ఉన్న విషయం తెలిసిందే. ఇప్పుడు వైఎస్ జగన్ పార్టీలోకి చేరటానికి గాదే వెంకటరెడ్డి సన్నాహాలు చేస్తున్నారు. రాష్ట్రాన్ని విభజించాలనే కాంగ్రెసు అధిష్టానం వైఖరి పట్ల ఆయన మనస్తాపానికి గురైనట్లు చెబుతున్నారు. దాంతో ఆయన తన పార్టీ సభ్యత్వానికి, శాసనసభా సభ్యత్వానికి రాజీనామా చేయవచ్చునని వినికిడి. అయితే, పరిస్థితి సమైక్యాంధ్రకు వ్యతిరేకంగా ఉండడం ఆయనకు మింగుడు పడడం లేదని అంటున్నారు. గతంలో సమైక్యవాదం వినిపించిన సీమాంధ్ర పార్లమెంటు సభ్యులు మంత్రి పదవులు రాగానే తెలంగాణ సమస్యపై అధిష్టానం నిర్ణయానికి కట్టుబడి ఉంటామని ప్రకటన చేయడం పట్ల ఆయన తీవ్ర ఆగ్రహంతో ఉన్నట్లు తెలుస్తోంది. గాదె వెంకటరెడ్డి శాసనసభలో సీనియర్ శాసనసభ్యుడు. అయినా ఆయనకు మంత్రి పదవి దక్కలేదు. మంత్రి పదవి దక్కకపోవడంపై కూడా ఆయన తీవ్ర అసంతృప్తితో ఉన్నారు.