యుపిఎకి సిబిఐ షాక్

Posted: 04/26/2013 03:06 PM IST

Political coal scam report shared with law minister cbi director

యపిఎసర్కార్ కు చావుదెబ్బలు దెబ్బ మీద దెబ్బ తగులుతూనే ఉంది. యుపిఎ ప్రభుత్వం అనేక కుంభకోణాలతో నిండిపోయింది. విపక్ష నేతలు, ప్రతిపక్షనేతలు కలిసి యూపీఎ సర్కార్ కు నిద్రలేకుండా చేస్తున్నారు. 2జీ కుంభకోణం విషయం తెరపైకి వచ్చిన. యూపీఏ నేతలు అంతగా భయపడలేదు, కానీ బొగ్గు కుంభకోణంతో యూపీఎ కు కొత్త కష్టాలు వచ్చిపడ్డాయి. బొగ్గు కుంభకోణంలో సిబిఐ యుపిఎ సర్కార్ కు షాక్ ఇచ్చింది. కోర్టు కు అందించడానికి తయారు చేసిన అఫడవిట్ ను న్యాయ శాఖ మంత్రి ముందే చూశారని కోర్టుకు నివేదించింది. ''కోల్ గేట్''(బొగ్గు ) కుంభకోణానికి సంబంధించి సిబిఐ సుప్రీంకోర్టుకు అఫడవిట్ సమర్పించింది.

ఈ సందర్భంగా సిబిఐ పలు విషయాలను ధర్మాసనం దృష్టికి తెచ్చింది. న్యాయశాఖ మంత్రి అఫడవిట్ ను పరిశీలించినట్లు, దానిలో మార్పులు ప్రతిపాదించినట్లు పేర్కొంది. ప్రధానిమంత్రి కార్యాలయం సైతం తమ అఫడవిట్ లో జోక్యం చేసుకునే ప్రయత్నం చేసిందని తెలిపింది. ఇక ముందు ఇలాంటివి జరగకుండా జాగ్రత్త పడతామని సిబిఐ కోర్టుకు తెలిపింది.

అయితే తాను కేవలం వ్యాకరణ తప్పులు సరిచేయడానికి మాత్రమే అఫడవిట్ పరిశీలించిట్లు న్యాయశాఖ మంత్రి పేర్కొన్నారు. దీనిపై విపక్షాలు స్పందిస్తూ న్యాయశాఖ మంత్రి పని అచ్చు తప్పులు దిద్దటమా? అని ప్రశ్నిస్తున్నాయి. బొగ్గు, 2జి కుంభకోణాలు పార్లమెంటు ఉభయసభలను కుదిపేస్తున్న నేపథ్యంలో సిబిఐ సుప్రీంకోర్టుకు ఇచ్చిన వివరణ యుపిఎ సర్కార్ ను మరింత ఇరకాటంలో పడేయనున్నాయి.