Posted: 04/02/2013 04:10 PM IST

రాజకీయ నాయకులు ఎవరు ఎప్పుడు ఏ పార్టీలో చేరుతారో చెప్పలేం. ఇక సాధారణ ఎన్నికల సమయంలోనైతే టిక్కెట్ ఆశించిన ఆశావాహులు ఏ పార్టీ వారు టిక్కెట్ ఇస్తానంటే ఆ పార్టీలోకి వెళతారు. కొందరు ప్రజల నాడిని తెలుసుకొని ఏ పార్టీకి విజయావకాశాలు ఉన్నాయో ఆ పార్టీలో చేరుతారు. ప్రస్తుతం కాంగ్రెస్ పార్టీకి చెందిన మాజీ మంత్రి, అక్రమాస్తుల కేసులో అరెస్టు అయి చంచల్ గూడ జైలులో ఉన్న మోపిదేవి వెంకట రమణ త్వరలో వైయస్సార్ కాంగ్రెస్ పార్టీలో చేరబోతున్నారనే ప్రచారం సాగుతుంది. అధికార పార్టీకి చెందిన ఒక మంత్రి గా జైలుకు వెళితే అధిష్టానం గానీ, పార్టీ గానీ తన విడుదల గురించి ఏ మాత్రం ఆలోచించడం లేదని ఆవేదన చెందిన ఆయన త్వరలో తన జైలు ఫ్రెండ్ అయిన జగన్ పార్టీలో చేరబోతున్నాడని సమాచారం. ఇదే విషయాన్ని ఆయన సోదరుడు గుంటూరు జిల్లా కాంగ్రెస్ పార్టీ సమావేశంలో వెళ్లగక్కినట్లు సమాచారం. ఇక జైల్లో కూడా జగన్ మోపిదేవితో మంతనాలు జరిపినట్లు సమాచారం. మోపిదేవికి బెయిల్ వచ్చిన వెంటనే ఆయన జగన్ పార్టీలో చేరే అవకాశాలు ఉన్నాయని అంటున్నారు. చూద్దాం ముందు ముందు ఏం జరగబోతుందో ?