Posted: 02/11/2013 11:05 AM IST

పశ్చిమ బెంగాల్  ముఖ్యమంత్రి  మమతా బెనర్జీ  మరోసారి తన విశ్వరూపం చూపించారు.   ఈసారి  ఆమె పబ్లిగ్గానే  మమతా బెనర్జీ కోపం హద్దులు దాటింది. బుర్థవాన్ లో జరిగిన ఓ కార్యక్రమంలో  మీడియా పై చిందులు తొక్కెరు.  దీదీలో  సహనం కోల్పోయి.. ఫొటో జర్నలిస్టుపై చెంప చెళ్లుమనిపిస్తానన్నారు.  మీకు నాగరికత తెలియదు.  మీ చెంప పగలగొడతా.. ఇక్కడ జరుగుతున్నది  కనిపించడం లేదా?  అంటూ  దీదీని ఫోటో తీయడానికి  ఆత్రుతపడుతూ ముందుకొస్తున్న  ఫొటో జర్నలిస్టులపై దీదీ నోరుపారేసుకున్నారు.  పశ్చిమ బెంగాల్ లోని  బుర్థాన్  జిల్లాలో జరుగుతున్న  మాటీ ఉత్సవ్ లో  ఈ ఘటన చోటు చేసుకుంది.  ఇటీవల  కోల్ కతా  పుస్తక ప్రదర్శనలోనూ  తన భద్రత సిబ్బందిని  మమతా బెనర్జీ  దుర్బాషలాడిన విషయం తెలిసిందే.  అయితే  దీదీ తీరుపై  విపక్షాలు  మండిపడ్డాయి.   తాజా ఘటన ఆమె నియంత్రత్వ పొకడలకు  నిదర్శనమని  సీపీఎం  దుయ్యబట్టింది.  ఆమె వ్యవహరిస్తున్న  తీరు చాలా దురద్రుష్టకరమిన .. ఓపికతో  ఉండాలని  పశ్చిమబెంగాల్  పీసీసీ అధ్యక్షుడు  ప్రదీప్ భట్టాచార్య సూచించారు.