Posted: 12/31/2012 11:58 AM IST

రాజధాని లో జరిగిన  ఈ సంవత్సరం అతి భయంకరమైన సంఘటనగా చరిత్రలో  నిలిచిపోతుంది.  ఆమె అత్యాచారం పై  దేశ ప్రజలు ఒక స్వరంతో నిరసన తెలిపారు.  దోషులకు శిక్ష పడేవరకు నిరసనలు  చేస్తామని మహిళ సంఘాలు  అంటున్నాయి.  ఈ సంఘటన పై కొత్తగా పెళ్లిచేసుకున్న టాలీవుడ్ హీరోయిన్  జెనీలియా నిరసన వ్యక్తం చేసింది.  బాధితురాలి  అంత్యక్రియాల్లో  ఆమె పాల్గొన్నట్లు తెలుస్తోంది.  దోషులను ఎందుకు శిక్షించటంలేదని  జేనీలియా ప్రశ్నిస్తుంది.  నిరసన కారులతో  కలిసి ఆమె రోడ్డు పై వచ్చి నిరసన తెలిపారు. ఆమె తో పాటు కొంత మంది బాలీవుడ్  తారలు కూడా  నిరసన కార్యక్రమంలో పాల్గొన్నారు. దేశంలో మహిళలపై లైంగిక నేరాలు రోజురోజుకూ పెరుగుతున్నప్పటికీ దోషులను శిక్షించడంలో అటు ప్రభుత్వం, ఇటు పోలీసులు మీనమేషాలు లెక్కిస్తూనే ఉన్నారు. రాజధాని న్యూఢిల్లీలో ఈ ఏడాది నమోదైన అత్యాచార కేసులే ఈ విషయాన్ని స్పష్టం చేస్తున్నాయి.

ఢిల్లీలో ఈ ఏడాది ఆరంభం నుంచి నవంబర్ వరకూ 600పైగా రేప్ కేసులు నమోదు కాగా, కేవలం ఒకే ఒక్క కేసులో మాత్రమే నిందితుడికి శిక్ష విధించారు. గత ఐదేళ్లలో ఎన్నడూ లేనివిధంగా రాజధానిలో ఈ ఏడాది నవంబర్ వరకూ మొత్తం 635 అత్యాచార కేసులను నమోదు చేసుకున్న ఢిల్లీ పోలీసులు 754 మంది నిందితులను అరెస్టు చేశారు. వీరిలో ఒకే ఒక్క నిందితుడికి శిక్ష విధించి మరో ఇద్దరిని వదిలేశారు. 403 మందిపై విచారణలు కొనసాగుతుండగా, 348 మందిపై దర్యాప్తులు పెండింగ్‌లో ఉన్నాయి. అలాగే గత ఏడాది 572 అత్యాచార కేసులను నమోదు చేసుకున్న ఢిల్లీ పోలీసులు 745 మంది నిందితులను అరెస్టు చేశారు. వీరిలో 18 మందికి శిక్షలు విధించగా, 34 మందిని నిర్ధోషులుగా వదిలేశారు. 597 మంది వివిధ కోర్టుల్లో విచారణలను ఎదుర్కొంటుండగా, మరో 86 మందిపై ఇప్పటికీ దర్యాప్తు కొనసాగుతోంది.