Posted: 11/10/2012 01:05 PM IST

 పైత్యం  పది శాతం ముదిరితే అందరికి బాగానే ఉంటేంది. అదే పైత్యం వంద శాంత ముదిరితే గ్యారెంటీగా పబ్లిక్ చేతిలో చీవాట్లు తప్పవు. ఇప్పుడు అలాంటిదే మాజీ ముఖ్యమంత్రికి వచ్చింది. అంటే మన రాష్ట్ర మాజీ ముఖ్యమంత్రి కాదులేండి.  ఈ ముఖ్యమంత్రి ఒంట్లోకి యన్ డీ. తివారి  పరకాయ ప్రవేశం చేసినట్లుగా మారిపోయాడు. తివారి  అందమైన అమ్మాయిలతో  జల్సా చేస్తే..  ఈయన మాత్రం  డబ్బు ఉన్న అమ్మాయిలే అందంగా ఉంటారాని మీడియా ముందు తనలో ఉన్న వంద శాతం  పైత్యం బయటపెట్టాడు. వయసు ముదిరి పైత్యం ఎక్కువైందో తెలియాదుగానీ, మొత్తం మీద గ్రామీణ మహిళలు అందంగా ఉండరని ములాయంసింగ్ ముసలోడు తేల్చి చెప్పాడు. మహిళా రిజర్వేషన్ బిల్లుతో గ్రామీణ మహిళలకు ఎలాంటి ఉపయోగం ఉండదని సమాజ్‌వాదీ పార్టీ అధినేత ములాయంసింగ్ యాదవ్ అభిప్రాయపడ్డారు. సంపన్నవర్గాల మహిళలతో పోల్చుకుంటే గ్రామీణ మహిళలు అంత ఆకర్షణీయంగా, అందంగా ఉండరని, అందుకే వారికి బిల్లుతో ఎలాంటి అవకాశాలు దక్కవని వ్యాఖ్యానించారు. ఉత్తరప్రదేశ్‌లోని బారబంకిలో ఓ ర్యాలీలో ములాయంసింగ్ మాట్లాడుతూ.. ‘సంపన్నవర్గాల అమ్మాయిలు, మహిళలకే చట్టసభల్లో అవకాశాలు దక్కుతున్నాయి. మహిళా బిల్లు కూడా వారికే మరింత లబ్ధి చేకూరుస్తుంది. గుర్తుంచుకోండి. మీకు(గ్రామీణ మహిళలకు) ఆ బిల్లుతో ఏ ఉపయోగం ఉండదు. సంపన్నవర్గాల మహిళలతో పోల్చుకుంటే మన గ్రామీణ మహిళలు అంత ఆకర్షణీయంగా, అందంగా ఉండరు. ఆకర్షణీయంగా, అందంగా ఉండే సంపన్నవర్గాల మహిళలకే బిల్లుతో ఉపయోగం. మనకు(గ్రామీణ మహిళలకు) బిల్లుతో చట్టసభల్లో అవకాశాలు వస్తాయనుకోవడం భ్రమే..’ అంటూ వివాదాస్పద వ్యాఖ్యలు చేశారు. గతంలో కూడా ములాయం ఈ బిల్లుపై నోరుజారారు. ‘చట్టసభల్లో మహిళలకు 33 శాతం రిజర్వేషన్లను అమలు చేస్తే ధనికుల భార్యలు, కుమార్తేలు మాత్రమే సభల్లో కనిపిస్తారు. యువత ఈలకొట్టి ఆనందంగా చూడొచ్చు’ అంటూ ఎద్దేవా చేశారు.