ITEMVIDEOS: సీన్ రివర్స్: వరుడు సిగ్గుపడగా.. వేదికపై స్టెపులేసిన వధువు

Posted: 03/29/2022 12:25 PM IST

Groom acts shy as bride surprises him with dance performance before jaimala ceremony

సోషల్ మీడియా పుణ్యమా అని పెళ్లి వీడియోలు కూడా ఈ మధ్యకాలంలో తెగ వైరల్ అవుతున్నాయి. నీ బుల్లెట్ బండెక్కి వచ్చేస్తా పా.. అంటూ వచ్చిన పాటను ఓ నవ వధులు తన పెళ్లి భరాత్ లో ఎంచుకుని దానిపై డాన్స్ వేయడంతో పాటతో పాటుగా నవజంట కూడా సోషల్ మీడియాలో విపరీతంగా ట్రెండ్ అయ్యారు. ఇలా అనేక వివాహ వీడియోలు సోషల్ మీడియాలో వైరల్ అయ్యాయి. ఇక ఆ మధ్యకాలంలో పెళ్లికూతరు డాన్స్ వేయబోతుండగా.. వరుడు లాగి చెంపపై కొట్టిన వీడియో కూడా అదే సోషల్ మీడియాలో వైరల్ అయ్యింది.

పెళ్లి వేడుక అంటే వధువరుల తరపు బంధువులు, కొత్త పరిచయాల మధ్య చాలా సరదాగా, సంతోషంగా సాగిపోతున్న వేడక.. వీరితో పాటు నవజంట స్నేహితులు కూడా హాజరై తమ మిత్రుల పెళ్లిలోని కీలక ఘట్టాలను తమ సెల్ ఫోన్లలో బంధిస్తుంటారు. దీంతో ఈ మధ్య పెళ్లిళ్లలో ఏం జరిగినా అది వెంటనే సోషల్ మీడియాలో ప్రత్యక్షమవుతుంది. అలాంటి వాటిలో తాజాగా ఓ వివాహక వేడుకలో జరిగిన సన్నివేశం కూడా నెట్టింట భారీగా వైరలవుతోంది. ఫన్నీగా ఉందంటూ నెటిజన్స్ కామెంట్లు పోస్ట్ చేస్తున్నారు. అయితే ఇదేదో సామాన్యమైన పెళ్లి కాదండీ ఏకంగా ఇద్దరు సెలబ్రిటీలది.

ఇక వివరాల్లోకి వెళితే.. ప్రముఖ బాలీవుడ్ నటీ అన్షుల్ చౌహాన్ వివాహం సినీమాటోగ్రాఫర్ అతీత్ తో జరిగిన నేపథ్యంలో ఈ ఘటన చోటుచేసుకుంది. అయితే ఈ వీడియో అమె పెళ్లిలోనే అనగా గత ఏడాది నవంబర్ 21న దేశరాజధాని న్యూఢిల్లీలో జరిగింది. కాగా ఈ వీడియోను ఇటీవల విట్టీ వెడ్డింగ్స్ అనే ఇన్టాగ్రామ్లో షేర్ చేయడంతో అదికాస్తా వైరల్ అయ్యింది. అయితే, ఈ వేడుకలో వధూవరులు నిలబడ్డారు. ఆ సమయంలో ఓ పాట ప్లే అయ్యింది. దీంతో వధువు డ్యాన్స్ చేసింది. వరుడిని కూడా తనతోపాటు డ్యాన్స్ చేయాలని చేతులందించిది. కానీ, వరుడు సిగ్గుపడుతూ పక్కకు జరిగి అలా ఆమెను చూస్తూ నవ్వుతాడు. ఈ వీడియో ప్రస్తుతం సోషల్ మీడియాలో వైరల్ అవుతోంది. నెటిజన్స్ భారీగా వైరల్ చేస్తూ ఫన్నీగా కామెంట్ చేస్తున్నారు.