మధ్యప్రదేశ్ లో దారుణం.. వివాహితపై మైనర్ బాలుడు అఘాయిత్యం..

Posted: 06/22/2021 03:36 PM IST

Madhya pradesh shocker 25 year old married woman raped by minor in bhopal

లాక్ డౌన్ కారణంగా పాఠశాలలకు తాళాలు పడ్డాయి. అయితే ఈ సమయంలో కాసింత సమయం దొరకడంతో కొంత సమయాన్ని విలాసంగా గడిపేందుకు, సెల్ ఫోన్ గేమ్స్ అడేందుకు వినియోగించగా మిగిలిన సమయంలో పుస్తక పఠనానికి వినియోగించాల్సిందిపోయి.. చెడుమార్గం పడుతూ.. సినిమాలు, సీరియల్స్ చూస్తూ చేయకూడని నేరాలు, ఘోరాలు చేస్తున్నారు. ఆ తరువాత పర్యవసానాలు ఏలా వుంటాయన్న కనీసం ఇంకితం కూడా లేకుండా అవేశకామేశాలకు లోనై సభ్యసమాజం విస్తుపోయేలా వ్యవహరిస్తున్నారు. మధ్యప్రదేశ్ లో ఇలాంటి దారుణానికే పాల్పడ్డాడు ఓ మైనర్ బాలుడు.

వక్రమార్గం పట్టాడు మధ్యప్రదేశ్ లోని ఓ బాలుడు. తనకు వయస్సులో పెద్దదైన.. వివాహమైన మహిళపై కన్నేశాడు. తమ ఇరుగుపోరుగునే వున్న బంధువైన వివాహితపై ఇంట్లో దారుణ అఘాయిత్యానికి పాల్పడ్డాడు. భోపాల్ లోని నజీరాబాద్ ప్రాంతంలో ఈ ఘటన జరిగింది. జూన్ 16న మహిళ ఇంట్లోకి చొరబడిన మైనర్.. అత్యాచారానికి ఒడిగట్టాడు. బాధితురాలి ఫిర్యాదు మేరకు పోలీసులు కేసు నమోదు చేశారు. బాధితురాలు ఇంట్లో ఒంటరిగా ఉన్న సమయంలో ఇంట్లోకి చొరబడ్డాడు. బాధితురాలి భర్త వైకల్యంతో బాధపడుతున్నాడు. ఆమెకు ఓ కూతురు ఉంది. బాధితురాలు జరిగినదంతా కుటుంబసభ్యులకు చెప్పింది. నజీరాబాద్ పోలీసులు కేసు నమోదు చేసి విచారణ చేపట్టారు.

మైనర్ కు 17ఏళ్లు ఉంటాయి. అతడు మహిళ ఇంటి పక్కనే ఉంటాడు. ఆమెపై కన్నేసిన మైనర్.. ఇంట్లో ఎవరూ లేని సమయంలో దారుణానికి ఒడిగట్టాడు. ఉత్తరప్రదేశ్ లోని ముజఫర్ నగర్ జిల్లాలోనూ ఇలాంటి దారుణమే జరిగింది. వివాహితను ఓ యువకుడు రేప్ చేశాడు. దాన్ని వీడియో కూడా తీశాడు. ఆ వీడియోతో బ్లాక్ మెయిల్ చేస్తూ పలు మార్లు అత్యాచారం చేశాడు. అతడి వేధింపులు తట్టుకోలేకపోయిన బాధితురాలు చివరికి పోలీసులను ఆశ్రయించింది. అత్తింటి వారు తనను వేధించే వారని, సాయం పేరుతో నిందితుడు తనకు దగ్గరయ్యాడని, పలుమార్లు అత్యాచారం చేశాడని బాధితురాలు పోలీసులకు ఇచ్చిన ఫిర్యాదులో తెలిపింది.