తొమ్మిదేళ్ల బాలుడిపై ఏడాదిగా మహిళ లైంగిక దాడి

Posted: 02/23/2019 04:18 PM IST

Kerala woman held for sexual assault on minor boy

కేరళ రాష్ట్రంలో దారుణం వెలుగుచూసింది. 36 ఏళ్ల మహిళ, ఓ తొమ్మిదేళ్ల బాలుడిపై అత్యాచారానికి పాల్పడుతోంది. ఏడాది కాలంగా ఆ ఆంటీ చేతిలో చిత్రవధ అనుభవించిన ఆ బాలుడు... వైద్యుడికి ఫోన్ చేసి విషయం చెప్పాడు. అతను చైల్డ్ హెల్ప్‌లైన్‌కు సమాచారం అందించాడు. ఓ బాలుడి నుంచి అత్యాచారం ఆరోపణల కింద ఫిర్యాదు అందడంతో ఆశ్చర్యపోయిన చైల్డ్ హెల్ప్‌లైన్ సిబ్బంది... సంఘటనా స్థలానికి చేరుకున్నారు.

తిరువనంతపురం సమీపంలోని తెన్హిప్పలమ్‌ ఏరియాకు చెందిన ఓ 36 ఏళ్ల మహిళ... ఓ అపార్ట్‌మెంట్‌లో టెర్రస్ మీద అద్దెకు ఉంటోంది. అదే అపార్ట్‌మెంట్‌లో నివాసం ఉంటున్న ఓ 9 ఏళ్ల బాలుడు... ఓ రోజు ఆడుకోవడానికి మిద్దె మీదకి వెళ్లాడు. ఆ పిల్లాడిని చూసిన సదరు ఒంటరి మహిళ... చాక్లెట్స్ ఇస్తానని ఆశచూపి ఇంట్లోకి తీసుకెళ్లింది. తర్వాత అతని డ్రెస్ విప్పి, లైంగిక దాడికి పాల్పడింది. విషయం ఎవ్వరికైనా చెబితే చంపేస్తానని బెదిరించింది. అశ్లీల ఫోటోలు తీసి... వీటిని చూపించి మీ తల్లిదండ్రులకు విషయం చెప్పి కొట్టిస్తానని భయపెట్టింది.

అప్పటి నుంచి బాలుడి తల్లితో ఫ్రెండ్ షిప్ ఏర్పరచుకుని, పిల్లాడిని తనతో ఇంటికి తీసుకెళ్లి లైంగిక దాడికి పాల్పడుతోంది. ఇలా ఏడాదిగా చిన్నారితో తన లైంగిక కోరికలు తీర్చుకుంటోంది ఆ ఆంటీ. ఆంటీ పెడుతున్న చిత్రహింసలను భరించలేక... ఏం చేయాలో తెలియక తీవ్ర మనోవేదనకు గురయ్యాడు బాలుడు. అతని ఆరోగ్యం కూడా దెబ్బతినడంతో ఆసుపత్రికి తీసుకెళ్లాడు తల్లిదండ్రులు. డాక్టర్ నెమ్మదిగా ఏం జరిగిందని విచారించగా అసలు విషయం వెలుగులోకి వచ్చింది. కేసు నమోదు చేసుకున్న పోలీసులు... దర్యాప్తు చేస్తున్నారు. సదరు మహిళ, మనస్పర్థల కారణంగా భర్తకు విడాకులు ఇచ్చి చాలారోజులుగా ఒంటరి జీవితం గడుపుతోందని తేలింది.