ITEMVIDEOS: అలంపూర్ లో కేసీఆర్ తగిలింది రేవంత్ సెగేనా.?

Posted: 12/04/2018 03:27 PM IST

Kcr meeting obstacled by trs activists at allapur

తెలంగాణ అసెంబ్లీ ఎన్నికల ప్రచారాన్ని తన భుజస్కంధాలపైకి ఎత్తుకున్న ఆపద్ధర్మ ముఖ్యమంత్రి, టీఆర్‌ఎస్‌ అధినేత కేసీఆర్‌ రాష్ట్రంలోని ప్రతీ నియోజకవర్గంలో ప్రచారాన్ని నిర్వహిస్తూ సుడిగాలి పర్యటిస్తున్నారు. ఈ క్రమంలో ప్రతీ సభలో ఎవరో ఒకరు ఏదో ఒక అంశంపై స్వయంగా సీఎం కేసీఆర్ పైనే ప్రశ్నలు సంధిస్తున్నారు. అయితే ఎక్కడ ఏవి జరిగినా అన్నీ కేవలం చిన్న చిన్న ఘటనలే. కాగా ఇటీవల ఒక సభలో ఓ ముస్లిం యువకుడు ఏకంగా గత ఎన్నికల హామీని గుప్పించడం నెట్టింట్లో వైరల్ గా మారింది.

ముస్లింలకు 12 శాతం రిజర్వేషన్ల హామీని వాడెవడో అడుగుతున్నాడు.. బోల్తుం.. బైఠో అంటూ.. మరో దశలో తెర బాప్ కు బోలుం క్యా అంటూ సీఎం కేసీఆర్ అగ్రహాం వ్యక్తం చేయడంతో.. ఆ వీడియో వైరల్ అయ్యింది. ఇక ఆ తరువాత చాలా జాగ్రత్తగా వ్యవహరిస్తూ వెళ్తున్న కేసీఆర్ కు ఇవాళ అలంపూర్ లో మాత్రం కార్యకర్తలే ఆయన సమావేశాన్ని అర్థంతరంగా ముగించేలా చేశారు.

కేసీఆర్ ప్రసంగిస్తున్నంత సేపు ఈలలు, చప్పట్లు కేకలు వేయడంతో విసుగు చెందిన ఆయన తన ప్రసంగాన్ని ముగించి గద్వాలకు చేరుకున్నారు. అయితే అలంపూర్ లో కాంగ్రెస్ కార్యకర్తలు టీఆర్ఎస్ కండువాలు కప్పుకుని కేసీఆర్ సభకు వెళ్లి.. తమ పార్టీ గుర్తు హస్తాన్ని చూపుతూ.. రేవంత్ రెడ్డి అరెస్టుకు నిరసనను వ్యక్తం చేశారని కూడా రాజకీయ విశ్లేషకులు భావిస్తున్నారు. ఇక ఆయన ప్రసంగం ఎలా జరిగిందో.. మీరూ వీక్షించండీ..