ITEMVIDEOS: ఉగ్రవాది కలకలం.. కత్తితో రెచ్చిపోయిన ముష్కరుడు

Posted: 11/09/2018 08:39 PM IST

Melbourne attack one person stabbed to death in terrorist incident

ఆస్ట్రేలియాలో ప్రముఖ నగరం మెల్‌బోర్న్ మరోమారు ఉగ్రకలకలం రేగింది. ఓ ఉగ్రవాది కత్తిని చేతబట్టి దారిన వెళ్లేవారిపై విచక్షణారహితంగా దాడి చేస్తూ బీభత్సం సృష్టించాడు. అకారణంగా ఉన్మదిలా వ్యవహరించడంతో స్థానికులు భయకంపితులయ్యారు. ఈ దాడిలో తీవ్రంగా గాయపడిన ఓ వ్యక్తి ఆస్పత్రిలో చికిత్స పొందుతూ మరణించాడు. ముష్కరుడి దాడిలో గాయపడిన మరో ఇద్దరిని పోలీసులు అస్పత్రికి తరలించి చికిత్సను అందిస్తున్నారు.

ముష్కరుడిని సజీవంగా పట్టుకునేందుకు పోలీసులు ప్రయత్నాలు ఫలించ లేదు. పోలీసులపై కూడా ముష్కరుడు కత్తితో దాడికి దిగాడంతో., వారు అతనిపై కాల్పులు జరిపారు. నేరుగా ఛాతిలోకి దూసుకెళ్లిన పోలీసుల తూటాలో ముష్కరుడు కుప్పకూలిపోయాడు. హుటాహుటిన ఉద్రవాదిని ఆస్పత్రికి తరలించినా ఫలితం లేకుండా పోయింది. చికిత్స పొందుతూ ముష్కరుడు మరణించాడు. ఘటన వివరాల్లోకి వెళ్తే.. మెల్‌బోర్న్ సెంట్రల్ డిస్ట్రిక్ట్ ఇవాళ మధ్యాహ్నం కారులో వచ్చిన ఉగ్రవాది తన కారును దిగి పక్కనే వున్న భవనంలోకి దాన్ని పంపించేందుకు యత్నించాడు.

అయితే అది కాస్తా కొంతదూరం వెళ్లి బోల్లాపడింది. దీంతో మంటలు చెలరేగాయి. తన పథకం దెబ్బతినిందని భావించాడో ఏమో కానీ ఆ ఉగ్రవాది కత్తి చేతబట్టి.. కనిపించిన వారిపై దాడికి తెగబడ్డాడు. దీంతో అక్కడి ప్రజలు భయాందోళన చెందిన అతనికి దూరంగా వెళ్లారు.ముష్కరుడి చేతిలో దాడికి గురైన మరో వ్యక్తికి తల భాగంలో గాయమైందని, అతడి ఆరోగ్య పరిస్థితి విషమంగా ఉందని అధికారులు తెలిపారు. ఈ ఘటనకు సంబంధించిన వీడియో సోషల్‌ మీడియాలో వైరల్‌ అయింది.

నిందితుడు పోలీసులపై కత్తితో దాడి చేస్తుండటం.. వారు అతణ్ని అడ్డుకునే ప్రయత్నం చేయడం.. మాట వినకపోవడంతో ఓ పోలీస్‌ అధికారి అతణ్ని తుపాకీతో కాల్చివేసిన దృశ్యాలు వీడియోలో రికార్డయ్యాయి. దాడికి పాల్పడ్డ ముష్కరుణ్ని సోమాలియాకు చెందిన 31 ఏళ్ల యువకుడిగా పోలీసులు గుర్తించారు. అతడు కొంతకాలంగా మెల్‌బోర్న్ లో నివాసం ఉంటున్నట్లు చెప్పారు. మరోవైపు.. ఈ దాడికి పాల్పడింది తామేనని ఇస్లామిక్ స్టేట్ గ్రూప్‌కు చెందిన ఓ ఉగ్రవాద సంస్థ ప్రకటించింది.