ITEMVIDEOS: ఫేస్ బుక్ లో భయంకరమైన వీడియో

Posted: 06/20/2017 10:26 AM IST

ప్రస్తుతం సోషల్ మీడియాలో ఓ భయానక వీడియో దర్శనమిస్తోంది. అమెరికాలో ఓ మహిళ ఇంటికి నిప్పు పెట్టి ఓ వృద్ధురాలిని చంపిన దృశ్యాలు వైరల్ అవుతున్నాయి. విస్కన్ సిన్ రాష్ట్రంలోని మిల్ వౌకీ పట్టణంలో ఈ ఘటన చోటు చేసుకుంది.

ఓ మహిళ గ్యాస్ డబ్బాతో ఓ గది దగ్గరికి వెళ్లటం, దానిని కుమ్మరించి ఆపై నిప్పు వెలిగించి అక్కడి నుంచి వెళ్లి పోవటం అందులో ఉంది. మరో పక్క ఒక్కసారిగా మంటలు చెలరేగటంతో చుట్టుపక్కల వారి హాహాకారాలు, ఓ యువతి పక్కనే ఉన్న కిటికీల్లోంచి దూకటం అందులో దర్శనమిచ్చాయి. ఈ వీడియోను దూరంగా ఓ కెమెరాను అమర్చి స్వయంగా ఆ మహిళే షూట్ చేసి ఫేస్ బుక్ లో లైవ్ ప్రసారం చేసింది.

 

కొందరు యువకులు తెగించి ఆ ఇంటి డోర్లు బద్ధలు కొట్టి లోపల చిక్కుకున్న వారిని రక్షించగా, 72 ఏళ్ల ఓ వృద్ధుడు మాత్రం ప్రాణాలు వదిలాడు. ఘటనకు ముందు ఆ మహిళ తమను లైటర్ అడిగిందని, కానీ, తమ దగ్గర లేదని చెప్పటంతో వెళ్లిపోయిందని ప్రత్యక్ష సాక్షి అయిన రిచ్ మంద్ అనే యువకుడు తెలిపాడు.

మంట పెట్టిన యువతి బాయ్ ఫ్రెండ్ ఆ ఇంట్లోనే ఉంటాడని పోలీస్ విచారణ లో తేలింది. బహుశా.. అతనితో గొడవల కారణంగానే ఆ మహిళ ఇంతటి ఘోరానికి పాల్పడి ఉంటుందని పోలీసులు భావిస్తున్నారు. పరారీలో ఉన్న  39 ఏళ్ల అర్సన్ కోసం గాలింపు చర్యలు చేపట్టారు.