ITEMVIDEOS:నెట్ లో కశ్మీర్ సంచలన వీడియో

Posted: 04/24/2017 11:23 AM IST

గోరక్షక దళాల పేరిట దాడులు పెరిగిపోతున్న నేపథ్యంలో జమ్ములో జరిగిన ఓ దాడికి సంబంధించిన వీడియో భయానకంగా ఉంది. రియాసీ జిల్లాలో ఓ కుటుంబంపై నినాదాలు చేస్తూ మరీ దూసుకొచ్చిన ఓ గ్రూప్ దాడికి యత్నించింది. తొమ్మిదేళ్ల చిన్నారి అని కూడా చూడకుండా దాడి చేయటానికి వారంతా సిద్ధపడటం అందులో ఉంది.

అక్రమంగా గోవులను తరలిస్తున్నారని ఆరోపిస్తూ ఓ కుటంబంపై వారంతా నిర్దాక్షిణ్యంగా దాడికి దిగారు. ఇనుపరాడ్లతో ఆ కుటుంబంలోని ఐదుగురు సభ్యులపై దాడికి తెగపడ్డారు. ముందుగా ఇంట్లోని వృద్ధుడిని రక్తాలు వచ్చేలా కొట్టడంతో నిస్సాయహాంగా రక్తపు మడుగులో అతను పడి ఉండటం గమనించవచ్చు. ఆ వెంటనే మహిళ ఓ చిన్నారి ఓ షెడ్డూలోకి దూరగా, రాడ్లతో కొట్టడం.. ఆమె చేతులెత్తి దండం పెట్టడం గమనించవచ్చు. పక్కనే పోలీసులు ఉన్నప్పటికీ నిలువరించేందుకు యత్నించిన వీలుపడలేదు.

 

దాడి చేసిన 11 మందితోపాటు అక్రమంగా గోవులను తరలించినందుకు ఆ కుటుంబ సభ్యుల్లో ఇద్దరినీ అదులోకి తీసుకున్నట్లు పోలీసు అధికారి ఒకరు వెల్లడించారు. కాగా, గో సంరక్షక దళాల పేరుతో వ్యక్తిగత దాడులు కూడా ఎక్కువ అయ్యాయని మరో ఉన్నతాథికారి వ్యాఖ్యానించటం విశేషం.