చుక్కలు చూపిన వ్యక్తిని పోలీసులకు పట్టించిన యువతి

Posted: 11/19/2016 11:59 AM IST

అరిజోనాలో ఓ యువకుడు మధ్యం మత్తులో ఓ యువతికి చుక్కలు చూపించాడు. కారులో వెళుతున్న ఫాతిమా సౌలి అనే అమ్మాయిని జోవెనె మోసెస్ (25) అనే వ్యక్తి తాగిన మైకంలో వెనుక నుంచి ఢీకొడుతూ వెంబడించాడు. దాదాపు 25 నిమిషాలపాటు రహదారిపై ఓ చేజింగ్లాంటి భారీ దృశ్యం ఆవిష్కృతమైంది. అది కూడా రాత్రి పూట కావడంతో ఆమెకు గుండె ఆగిపోయినంత పనైంది. హర్రర్ సినిమాలో వెంబడించినంత భయంకరంగా అతడు ఆమెను పరుగెత్తించాడు.

రెండు మూడుసార్లు వెనుక నుంచి పక్క నుంచి ఆమె కారును బలంగా ఢీకొట్టే ప్రయత్నం చేశాడు. ఆ షాక్లో నుంచి బయటకు వచ్చిన యువతి 911 ఫోన్ చేసి పోలీసులకు కబురు చేసింది. అతడి నుంచి తప్పించుకుంటూ డ్రైవింగ్ చేస్తూనే జరుగుతున్న సీన్ వివరించింది. ఆ క్రమంలో కూడా ఆ యువకుడు మరోసారి ఆమె కారును ఢీకొట్టాడు. చివరకు పోలీసులు శరవేగంగా వారిని సమీపించారు. అయితే, పోలీసుల నుంచి బయటపడేందుకు అతడు ప్రయత్నించి మరో వాహనానికి ఢీకొట్టి దొరికిపోయాడు. తనను చంపేందుకు అతడు చాలా ప్రయత్నాలు చేశాడని ఆమె పోలీసులకు వణికిపోతూ చెప్పింది.