గ్రూప్-2 లో కబాలి, ధోనీ క్వశ్చన్స్

Posted: 11/12/2016 08:40 AM IST

ఈ మధ్య ప్రభుత్వాలు నిర్వహించే పరీక్షల్లో జనరల్ నాలెడ్జ్ కన్నా సినిమా పరిజ్నానంకు సంబంధించిన ప్రశ్నలే ఎక్కువ తారసపడుతున్నాయి. ఆ మధ్య ఢిపెన్స్ ఎగ్జామ్ పేపర్ లో దీపికా పదుకునే గురించి, ఆపై కోహ్లీ గర్ల్ ఫ్రెండ్ ఎవరంటూ ఓ పరీక్షలో, ఈ మధ్య కేరళలో అయితే పబ్లిక్ సర్వీస్ కమీషన్ ఎగ్జామ్ లో సన్నీలియోన్ గురించి క్వశ్చన్స్ వచ్చిన సంగతి తెలిసిందే.

శుక్రవారం తెలంగాణ పబ్లిక్ సర్వీస్ కమిషన్ (టీఎస్పీఎస్సీ) పరీక్షలో కూడా ఇలాంటి సీనే రిపీట్ అయ్యింది. శుక్రవారం జరిగిన గ్రూప్-2 పరీక్షలో ‘కబాలి’, ‘ధోనీ’ చిత్రాలపై ప్రశ్నలు వచ్చాయి. ‘మై ఫాదర్ బాలయ్య’ అనే పుస్తకానికి, తెలంగాణతో ఉన్న సంబంధం ఏంటన్న ప్రశ్న ఒకటి అడిగారు. అయితే ఆ పుస్తకం పుట్టుపూర్వోత్తరాలు హీరో రజనీకాంత్ నటించిన కబాలి సమయంలోనే వెలుగులోకి వచ్చాయి. ఇంట్రడక్షన్ సీన్ లో రజనీ చదువుతూ కనిపించే ఈ పుస్తకం గురించి అప్పుడు బాగా చర్చ జరిగింది. తెలంగాణలోని కరీంనగర్ జిల్లా కమలాపూర్ మండలం వంగపల్లి గ్రామవాసి వైబీ సత్యనారాయణ (ఎల్కటి బాలయ్య సత్యనారాయణ) ఈ పుస్తకం రచించారు.

ఓ దళిత కుటుంబంలో పుట్టిన సత్యనారాయణ తల్లిదండ్రులు బాలయ్య, నర్సమ్మ. తన తండ్రి గురించి సత్యనారాయణ రాసిందే ఈ పుస్తకం. 2013లో తెలుగులో, 2014లో కన్నడ, 2015లో హిందీ భాషల్లోకి పుస్తకం అనువాదం కాగా, ఈ మధ్యే తమిళ్, బెంగాలీ, మరాఠీలోకి తర్జుమా చేసేశారు. కాగా, మరోప్రశ్నగా టీమిండియా స్టార్ క్రికెటర్ ధోనీ జీవిత చరిత్ర ఆధారంగా రూపొందించిన ‘ఎంఎస్ ధోనీ: ది అన్ టోల్డ్ స్టోరీ’ చిత్ర దర్శకుడు ఎవరంటూ ఈ పరీక్షలో అడిగారు. దానికి సమాధానం నీరజ్ పాండే. 

మూడో ప్ర‌శ్న‌గా త‌మిళ సినీ ప‌రిశ్ర‌మ కోలీవుడ్ గా పాపుల‌ర్. మ‌ల‌యాళం సినీ ప‌రిశ్ర‌మ మ‌ల్లువుడ్ గా పాపుల‌ర్. బెంగాళి ఇండ‌స్ట్రీ ఏ పేరుతో పాపుల‌ర్ అని అడిగారు. తెలుగు సినిమా రంగం నుంచే రిఫరెన్స్ తీసుకోవటంతో దానిని కూడా టాలీవుడ్ అనే పిలుస్తారు.