అలీబాబాకు ఏ పాపం తెలీదంట

Posted: 05/26/2016 07:03 PM IST

ఈ-కామర్స్ దిగ్గజం అలీబాబా టైం ఏమంత బాగోలేన్నట్లుగా కనిపిస్తోంది. ప్రస్తుతం అంతర్జాతీయ మార్కెట్లో ఈ  సంస్థ హోల్డింగ్ లిమిటెడ్ షేర్లు గడ్డుకాలాన్ని ఎదుర్కుంటున్నాయి. చట్టాలకు వ్యతిరేకంగా అమ్మకాలు చేపట్టిందన్న ఆరోపణలతోపాటు, సింగల్ డే ప్రమోషన్ స్కీమ్ ద్వారా భారీ మోసానికి పాల్పడిందంటూ అమెరికా విభాగం సెక్( సెక్యురిటీస్ అండ్ ఎక్సేంజ్ కమిషన్) జనవరి నుంచి విచారణ చేపట్టింది. ముఖ్యంగా ఈ కంపెనీలో మెజారిటీ వాటా(47శాతం) ఉన్న లాజిస్టిక్ సంస్థ కైనియోపై సెక్ ఎక్కువగా దృష్టిసారించింది.

సింగిల్ డే ప్రమోషన్ ద్వారా 1400 కోట్ల డాలర్ల లావాదేవీలను కొనసాగించిన అలీబాబా వ్యవహర శైలి పై పలు వ్యాపార కంపెనీలు అనుమానం వ్యక్తం చేస్తున్నాయి. బ్లాక్ ప్రైడే, సైబర్ మండే షాపింగ్ ఈవెంట్స్ కంటే నవంబర్ 11 సింగల్ డే చేపట్టిన ప్రమోషన్ ప్రభావం ఎక్కువగా ఉందని వారంటున్నారు.  అయితే తాము ఎలాంటి నిబంధలను తుంగలో తొక్కలేదని అలీబాబా చెబుతోంది. అయినా సెక్ విచారణకు సహకరిస్తున్నామని, త్వరలో తమ నిర్దొషిత్వం బయటపడుతుందని ఆ కంపెనీ  ఓ ప్రకటనలో పేర్కొంది.