‘బ్రూస్ లీ’ చిత్ర నిర్మాత, ధర్శకులపై ఆదాయ పన్ను అధికారుల దాడులు

Posted: 10/15/2015 07:15 PM IST

ఆదాయ పన్ను శాఖ అధికారుల అంచానాలు తప్పుతున్నాయా..? అగ్రశేణ్రి హీరోలు, లేక భారీ బడ్జెట్ చిత్రాలపై వారు వేస్తున్న గురి తప్పుతుందా..? అంతా అంకెల గారడీయేనా..? లేక వాస్తవాలా అన్నది మాత్రం తేల్చలేకపోతున్నారా... లేక తేల్చినా.. గోప్యంగా పెడుడుతన్నారా..? అసలెందుకు ఆదాయ పన్ను శాఖ అదికారులు సినీమా వాళ్లపై పడ్డారు. అన్న ప్రశ్నలు తాజాగా సగటు ప్రేక్షక లోకానికి, అభిమానులలోనూ రేకెత్తుతున్నాయి.

తాజాగా మెగా పవర్ స్టార్ నటించిన బ్రూస్ లీ చిత్రంపై కూడా అదాయపన్ను అధికారులు దాడులు చేయడమే ఇందుకు కారణంగా కనబడుతోంది. బ్రూస్ లీ సినిమా నిర్మాత, దర్శకుల ఇళ్లపై ఆదాయపన్ను శాఖ దాడులు చేస్తున్నట్లు వార్తలు వస్తున్నాయి.నిర్మాత డివివి దానయ్య, దర్శకుడు శ్రీను వైట్ల ఇళ్లలో సోదాలు జరుగుతున్నట్లు సమాచారం. ఈ హఠాత్పరిణామంతో టాలీవుడ్ వర్గాలు కూడా ఒక్కసారిగా షాక్ గురయ్యాయి.

కొద్ది రోజుల క్రితం తమిళనాడులో పులిచిత్రం విడుదల సందర్భంగా కూడా ఆదాయపన్ను శాఖ అధికారులు చిత్ర నిర్మాణ సంస్థతో పాటు ఆ చిత్ర నటీనటుటు విజయ్, నయనతార, సమంత ఇళ్లపై కూడా దాడులు చేసిన విషయం తెలిసిందే. ఆ దాడులతో కాలీవుడ్ లో సంచలనంగా మారిన ఐటీ అధికారులు.. ఇటు టాలీవుడ్ లోనూ తమ పంజా విసిరారు. అయితే ఈ దాడుల్తో వారు తమ ఉనికి చాటుకుంటున్నారా..? కేవలం అందుకనే దాడులను చేస్తూ.. పరిశ్రమ వర్గాలను సందిగ్ధంలోకి నెడుతున్నారా..? అన్న ప్రశ్నలు కూడా అభిమాన లోకం నుంచి వెల్లువెత్తుతున్నాయి. అయితూ వీటికి సమాధానాలు ఏమిటన్నది మాత్రం వారికే తెలియాలి.

జి. మనోహర్