No metro train | Vijayawada | Vizag

No metro rail in vizag and vijayawada

Vijayawada, Vizag, Metro Train, Metro, Bullet Train, No metro train

no Metro rail in Vizag and Vijayawada. Chandrababu Naidu was talking about bullet trains in AP but forget bullet trains, he will not be able to get even a metro rail to AP.

విజయవాడ, విశాఖల్లో మెట్రో రైల్ హుష్ కాకి

Posted: 08/26/2015 01:04 PM IST
No metro rail in vizag and vijayawada

గోరిచుట్టు మీద రోకటి పోటు అంటే ఇదే! అస‌లే ప్రత్యేక హోదా రాద‌నే బాధ‌లో ఆంధ్రా ప్రజానీకం ఉంటే… ఇప్పుడు మ‌రో బాంబు పేల్చింది కేంద్రం. ఆంధ్రాలో ఎంతో ప్రతిష్టాత్మకంగా త‌ల‌పెట్టిన మెట్రో రైలు నిర్మాణానికి కేంద్రం ఆదిలోనే బ్రేకులు వేసేసింది! విజ‌య‌వాడ‌తోపాటు విశాఖ‌ప‌ట్నంలో కూడా మెట్రో రైలు ఏర్పాటు చేస్తామ‌ని చంద్రబాబు స‌ర్కారు ఘ‌నంగా చెప్పుకుంది. అప్పట్లో… ఈ రెండు ప‌ట్టణాల్లో మెట్రోరైళ్ల నిర్మాణాన్ని ప‌రిశీలిస్తామ‌ని కేంద్రం కూడా హామీ ఇచ్చింది. ఆ ధీమాతో తిరుప‌తికి కూడా మెట్రో రైలు తెస్తామ‌ని ఏపీ స‌ర్కారు ప్రక‌టించేసింది.

అంతేకాదు, అక్కడితో ఆగ‌కుండా విజ‌య‌వాడ‌, విశాఖ‌ప‌ట్నంల‌లో స‌ర్వేలు కూడా నిర్వహించారు. మెట్రో రైలు నిపుణుడు శ్రీ‌ధ‌ర‌న్‌తో స‌ర్వేలు కూడా చేయించేశారు. ఆ స‌ర్వేల నిమిత్తం భారీగానే ఖ‌ర్చు కూడా పెట్టేశారు. అయితే, ఇప్పుడు కేంద్రం మెట్రో రైలు విష‌యంలో అడ్డుపుల్లేసింది. విజ‌య‌వాడ‌, విశాఖ‌ప‌ట్నం ల‌లో మెట్రోరైలు న‌డ‌ప‌డం ఆచ‌ర‌ణ సాధ్యం కాదు అంటోంది. ఎందుకంటే, మెట్రో రైలు ఎంతో పెట్టుబ‌డితో కూడుకున్న అంశం. ఆ తరువాత నిర్వహ‌ణ కూడా బాగా ఖ‌ర్చు ఉంటుంది. కాబ‌ట్టి, ప్రస్తుతం ఉన్న ప‌రిస్థితుల దృష్ట్యా గిట్టుబాటు కాద‌ని అభిప్రాయం వ్యక్తం చేస్తోంది. ఇప్పుడు మెట్రో నిర్మించినా భ‌విష్యత్తులో మ‌రింత భారంగా మారుతుందని చెబుతోంది. అందుకే, దానికి ఆర్థిక సాయం చేయ‌లేమ‌ని తేల్చేసింది. మొత్తానికి విజయవాడ, విశాఖపట్నంలలో మెట్రో కలలు కల్లలుగానే మిగిలిపోనున్నాయి. ప్రస్తుతానికైతే ఏమీ చెయ్యలేమని కేంద్రం చేతులెత్తేసింది. మరి చంద్రబాబు నాయుడు దీని మీద ఎలా స్పందిస్తారో చూడాలి.

If you enjoyed this Post, Sign up for Newsletter

(And get your daily news straight to your inbox)

Rate This Article
(0 votes)
Tags : Vijayawada  Vizag  Metro Train  Metro  Bullet Train  No metro train  

Other Articles

Today on Telugu Wishesh