పవన్ కళ్యాణ్ కి కేంద్రమంత్రి పదవి

Posted: 05/19/2014 08:49 PM IST

సినీ నటుడు, జనసేన పార్టీ అధ్యక్షుడు పవన్ కళ్యాణ్ కి కేంద్రంలో మంత్రి పదవి రాబోతుందా ? అంటే ప్రస్తుత పరిణామాలను బట్టి చూస్తే అవుననే అంటున్నారు రాజకీయ విశ్లేషకులు. సార్వత్రిక ఎన్నికల్లో తెదేపా - భాజాపా కూటమి తరుపు తెలంగాణ, సీమాంధ్ర, కర్ణాటకల్లో విస్త్రుత ప్రచారం చేసిన విషయం తెలిసిందే. పవన్ ప్రచారంతో ఆ పార్టీకి మూడు రాష్ట్రాల్లో కలిసి రావడమే కాకుండా, సీమాంధ్రలో ఏకంగా ప్రభుత్వాన్ని ఏర్పాటు చేసే మెజార్టీ రావడమే కాకుండా, అత్యథిక ఎంపీ స్థానాలు గెల్చుకుంది.

పవన్ ఇమేజ్ ని, ఆయన పడిన కష్టాన్ని గుర్తించిన భాజాపా అగ్ర నాయకత్వం ఆయన్ను రేపు ఢిల్లీలో జరిగే ఎన్డీయే కీలక సమావేశానికి ఆహ్వానం పంపింది. ఈ నేపథ్యంలో పవన్ పై పలు వార్తలు ప్రచారంలోకి వస్తున్నాయి. పవన్ కి ఉన్న ఇమేజ్ ని, ఆయన మంచి తనాన్ని గుర్తించిన ఎన్డీయే నేతలు భవిష్యత్తులో మరిన్ని మంచి ఫలితాలు సాధించాలంటే పవన్ ని కేంద్ర కేబినెట్ లోకి తీసుకొని, ఆయనకు ఓ మంత్రిత్వ శాఖను అప్పగిస్తే బాగుంటుందని ఆలోచించి ఆయనకు కేంద్రంలో టూరిజం మినిస్టర్ పదవిని ఇచ్చేందుకు సిద్దంగా ఉందని అంటున్నారు.

దీని పై చర్చించేందుకే ఆయన్ను ఈ సమావేశానికి ఆహ్వానించారని అంటున్నారు. తాను పదవుల కోసం రాజకీయాల్లోకి రాలేదని, ప్రశ్నించడానికి అని చెప్పిన పవన్ భాజాపా నేతలు ఇచ్చిన మంత్రి పదవిని స్వీకరిస్తాడో ? సున్నితంగా తిరస్కరిస్తాడో చూడాలి.

Knr