గులాబీ' తోటలో వలస పక్షుల సందడి?

Posted: 03/01/2014 01:17 PM IST

ఎన్నికలు మంచుకొస్తున్న తరుణంలో .. గోడ దూకి బాబులు  దూకుడు పెంచారు. ఏ రాజకీయ తోట పచ్చగా ఉండి, ఎక్కువు పవ్వులు పూస్తుందో . ఆతోటలో వాలిపోవటానికి  ఈవలస పక్షులు రెఢీ అవుతున్నాయి. అయితే ఇప్పుడు  తెలంగాణలో  ఉన్న గులాబీ తోటకు  వలస పక్షుల తాకిడి ఎక్కువైందని.. ఆ గులాబీ తోట యాజమాని చెబుతున్నారు. ఇప్పుడు గులాబీ తోటలో వలస పక్షులతో సందడిగా ఉందని  ఆయన ఆనందంగా చెబుతున్నారు. 

ఇందుకు నిదర్శనంగా టిడిపికి చెందిన ఇద్దరు ఎమ్మెల్యేలు కె.ఎస్.రత్నం(చేవెళ్ల), పి.మహేందర్ రెడ్డి(తాండూరు), అదే పార్టీకి చెందిన ఎమ్మెల్సీ పి.నరేందర్ రెడ్డి శుక్రవారం టిఆర్ఎస్ పార్టీలో చేరారు. విశ్వసనీయ వర్గాల కథనం ప్రకారం తెలంగాణ ప్రాంతానికి చెందిన కొందరు కాంగ్రెస్ నాయకులు, ఎమ్మెల్యేలు మరికొద్ది రోజుల్లో పార్టీని వీడి టిఆర్ఎస్‌లో చేరడానికి సమాయత్తమవుతున్నారు. 

వచ్చే ఎన్నికల్లో కాంగ్రెస్‌తో చేతులు కలిపేది లేదంటూ టిఆర్ఎస్ నాయకత్వం తాజాగా సంకేతాలు ఇచ్చింది. దీంతో వచ్చే ఎన్నికల్లో తమ పదవులను పదిలపరుచుకోవడం కోసం పాలక పక్షం నాయకులు, ఎమ్మెల్యేలు గులాబీ పార్టీ వైపు మొగ్గు చూపుతున్నారు.  చివరకు. ఏ రాజకీయ పక్షి  ఏ రంగు తోటలో తన గూడు కట్టుకుందో చూడాలంటే.. కొన్ని రోజులు ఆగాల్సిందే. 

-ఆర్ఎస్