రబ్బరు ఫ్యాక్టరీలో నలుగురి సజీవ దహనం

Posted: 12/26/2013 08:41 AM IST

పరిశ్రమల యాజమాన్యాల నిర్లక్ష్యమో, తనిఖీ అధికారుల అలసత్వమో కానీ పరిశ్రమలలో జరుగుతున్న భారీ అగ్ని ప్రమామాదాలకు అమాయక కార్మికులు బలవుతున్నారు. పొట్టకూటి కోసం బీహార్ నుండి నగరానికి వచ్చిన నలుగురు కార్మికులు ఈ రోజు ఉదయం హైదరాబాద్ గగన్ పహడ్‌లో శంషాబాద్‌కు సమీపంలోగల అక్షిత రబ్బరు ఫ్యాక్టరీలో జరిగిన భారీ అగ్ని ప్రమాదంలో మంటలు ఒక్కసారిగా ఎగిసి పడటంతో నలుగురు సజీవ దహనం అయ్యారు. 

అక్షిత రబ్బరు ఫ్యాక్టరీలో మంటలు భారీగా చెలరేగడంతో ఈ ప్రమాదం సంభంవించిన్నట్లు తెలుస్తున్నది. కాగా బాయిలర్ ట్యూబ్ లీక్ అయి కార్మికులు నిద్రిస్తున్న గదిలోకి రబ్బరు ప్రవేశించడం వలన ఈ ప్రమాదం సంభవించినట్లు చెబతున్నారు. మృతులు బీహార్‌కు చెందిన సందీప్ కుమార్ ,నవీన్ యాదవ్,కిషన్, గోవిందులుగా గుర్తించారు.

అగ్నిమాపక సిబ్బంది సంఘటన స్థలానికి చేరుకొని మంటలను అదుపు చేశారు. ప్రమాదానికి గల కారణాల పౌ అగ్నిమాపక అధికారులు దర్యాప్తు చేపట్టారు. ఈ సంఘటన పై విచారణ జరిపి యాజమాన్యం పై తగిన చర్యలు తీసుకోవాలని కార్మికులు కోరుతున్నారు.