పెట్రోల్ ధర తగ్గు ముఖం పట్టే అవకాశం

Posted: 09/12/2013 06:56 PM IST

చిన్నప్పుడు ఒక సరదా లెక్క చెప్తుండేవారు.  ఒక చీమ నాలుగు అంగుళాలు పైకి ఎక్కి ఒక అంగుళం కిందికి జారుతుందట.  ఆ లెక్కన అది 12 అంగుళాల ఎత్తున్న స్తంభాన్ని ఎక్కటానికి ఎన్ని ధపాలుగా ప్రయత్నించాలి అని. 

పెట్రోల్ ధర కూడా అంతే.  పెరిగేది ఎక్కువ, అప్పుడప్పుడూ కిందికి జారినట్టు కనిపిస్తుంది.  కానీ త్వరలోనే కోలుకుని పైకి ఎగబాకుతుంది.  అయితే ఈ సారి అంతర్జాతీయ మార్కెట్ లో చమురు ధర తగ్గిపోయిందట.  దానితో పెట్రోల్ లీటర్ రూ.1.50 వరకు తగ్గే అవకాశం ఉందట. 

ప్రస్తుతం హైద్రాబాద్ పెట్రోల్ ధర లీటర్ కి రూ.80.93 నడుస్తోంది.  ప్రతి పక్షానికీ ధరను సవరించే పద్ధతిలో ఇది రూ. 79.50 వరకు తగ్గవచ్చని అంచనా.  డీజిల్, వంట గ్యాస్ విషయాల్లో మాత్రం ధర పెరిగే అవకాశమే ఉంటుందని చెప్తున్నారు. 

-శ్రీజ