ముగ్గురిని కిడ్నాప్ చేసిన కానిస్టేబుల్ శర్మ

Posted: 08/29/2013 10:23 AM IST

ఇద్దరు పిటివొ సిబ్బందితో పాటు ఒక బిజెపి నేతను కిడ్నాప్ చేసినట్లు మాజీ కానిస్టేబుల్ శర్మ తెలిపారు. కిడ్నాప్ చేసిన ఆ ముగ్గురిని గురువారం డిజిపి ఎదుట ప్రవేశపెట్టనున్నట్లు తెలిపారు. పిటివొని ప్రక్షాళన చేయాలని ఈ సందర్భంగా ఆయన డిమాండ్ చేశారు. గతంలో పలు మార్లు వివాదాస్పదంగా వ్యవహరించిన శర్మ తాజాగా ముగ్గురిని కిడ్నాప్ చేశానని ప్రకటించడం కలకలం రేపింది. అవినీతికి పాల్పడుతున్నందుకే పిటివొ సిబ్బందిని కిడ్నాప్ చేసినట్లు ఓ ఛానెల్ కు పంపిన వీడియో ఫుటేజ్ లో శర్మ తెలిపారు. ప్రత్యేక రాయలసీమను కోరుతున్నందుకే బిజెపి నేతను కిడ్నాప్ చేసినట్లు పేర్కొన్నాడు. అయితే మీడియాకు శర్మ పంపిని వీడియో ఫుటేజీలతో అప్రమత్తమైన పోలీసులు అతని కోసం గాలింపు చర్యలను ముమ్మరం చేశారు. గతంలో ఓ పిటివొ ఎస్పీ స్ధాయి అధికారిని కూడా శర్మ కిడ్నాప్ చేసిన సంగతి తెలిసిందే. శర్మపై నాలుగు కేసులున్నాయి. ఇటీవలే ఆయన బెయిల్ పై విడుదలయ్యాడు.