వైద్య విద్యార్థిని మీద సామూహిక అత్యాచారం

Posted: 07/19/2013 02:42 PM IST

సామూహిక అత్యాచారం తర్వాత బాధితురాలు కర్నూల్ నగర శివార్లలో స్పృహలేని స్థితిలో పోలీసులకు కనిపించగా ఆమెను పోలీసులు కర్నూల్ జనరల్ హాస్పిటల్ కి తరలించారు.

20 సంవత్సరాల నర్సింగ్ విద్యార్థిని మీద కొందరు దుండగులు సామూహిక అత్యాచారానికి ఒడిగట్టారు.  అ అమ్మాయి ప్రకాశం జిల్లా దార్శి కి చెందినట్లుగానూ, కర్నూల్ లో నంద్యాల రోడ్ లో ఉన్న నర్సింగ్ కాలేజ్ లో చదువుకున్నట్లుగానూ పోలీసులు తెలియజేసారు. 

ఫెయిలైన సబ్జెక్ట్ లలో పరీక్షకు తిరిగి హాజరవటం కోసం ఫారం ఫిలప్ చెయ్యటానకి కర్నూల్ వచ్చిన ఆ అమ్మాయి ఆ పని అయిపోయన తర్వాత నిన్న రాత్రి 10 గంటలకు తిరిగి తన గ్రామానికి పోవటానికి ఎక్కిన ఆటోని దారి తప్పించి ఆటో డ్రైవర్ ఆమెను పెద్దటేకూరు తీసుకెళ్ళారు.  బృందావన్ ఇంజినీరింగ్ కాలేజ్ దగ్గర మరో ముగ్గురు ఆ ఆటో డ్రైవర్ తో చేరారు.  ఆ తర్వాత వాళ్ళు సామూహికంగా ఆమెను అత్యాచారానికి గురిచేసి స్పృహతప్పిపోయిన తర్వాత ఆమెను అక్కడ తుప్పలలో వదిలేసిపోయారు. 

పోలీసులు చూసినప్పుడు ఆ తుప్పలలో ఆమె దుస్తులు చెల్లా చెదరుగా పడేసివున్నాయి.  ఆమె స్పృహతప్పిన పరిస్థితిలో దాదాపు 5 గంటలసేపు అక్కడే పడివుందని తెలిసింది. 

పోలీసులు దర్యాప్తు చేస్తున్నారు.  నేరస్తులను పట్టుకోవటానికి ఆధారాల కోసం పోలీసులు వెదుకుతున్నారు. 

-శ్రీజ