జులై 12 బంద్..

Posted: 07/10/2013 06:59 PM IST

ఇప్పుడు రాష్ట్రం ద్రుష్టి మొత్తం జులై 12 మీద ఉంది. జులై 12న జరగబోయే రాజకీయ పరిణామాలపై రాష్ట్ర ప్రజలు, రాజకీయ నాయకులు ఎదురుచూస్తున్నారు. రాష్ట్ర విభజన పై కాంగ్రెస్ పార్టీ కోర్ కమిటీలో ఏం చెబుతుంది? అనే దాని పై రాష్ట్రంలో తీవ్ర ఉత్కఠత నెలకొంది. ఇలాంటి సమయంలోనే జులై 12న బంద్ కు పిలుపునిచ్చారు. అసలే టెన్షన్ మద్య ప్రజలు నలిగిపోతుంటే సమయంలో బంద్ అంటే ఎలా ఉంటుందో చూడాంది. ఈ సారి బంద్ కు పిలుపునిచ్చింది టీఆర్ఎస్ పార్టీ , బీజేపి పార్టీ , తెలంగాణ జేఏసీ లు కాదు.., సమైక్యాంద్ర జేఏసీ బంద్ కు పిలుపునివ్వటం జరిగింది. రాష్ట్ర విభజనపై ఢిల్లీలో నెలకొన్న పరిణామాల నేపథ్యంలో ఈనెల 12న సీమాంధ్ర బంద్ కు పిలుపునిస్తున్నట్లు సమైక్యాంధ్ర జెఎసి పేర్కొంది. తెలంగాణ రాష్ట్ర విభజనపై ఢిల్లీ లో నెలకొన్న పరిణామాలను దృష్టిలో పెట్టుకొని ఈ బంద్ కు పిలుపునివ్వడం జరిగిందని సమైక్యాంధ్ర జెఎసి నేత గోవింద్ తెలిపారు. శ్రీకృష్ణ కమిటీ ఇచ్చిన నివేదికలోని అంశాలను పరిగణలోకి తీసుకోవాలని, వెనుకబడిన ప్రాంతాలను ప్రత్యేక బడ్జెట్ ద్వారా అభివృద్ధి చేయాలని డిమాండ్ చేశారు.