మీడియా పై బొత్స ఫైర్

Posted: 06/24/2013 04:30 PM IST

పీసీసీ చీఫ్ బొత్స సత్యనారాయణ మరోసారి వివాదాస్పద వ్యాఖ్యలు చేశారు. కేంద్ర పర్యాటక శాఖా మంత్రి ఉత్తరాఖండ్ వెళ్లకుండా రాష్ట్రంలో ఏం చేస్తున్నారని విలేకరులు అడిగిన ప్రశ్నపై రుసరుసలాడారు. ఎక్కడో ఏదో జరిగిందని ఇక్కడ పనులన్నీ మానుకుంటామా..? అంటూ ఎదురు ప్రశ్నించారు. చిరంజీవి సొంత పనులపై రాష్ట్రానికి వచ్చారని చెప్పిన సత్తిబాబు.. ప్రతిదాన్నీ రాజకీయ కోణంలో చూడకూడదని హితబోధ చేశారు. ప్రతిపక్ష నేత చంద్రబాబు లాంటి వాళ్లు మాత్రమే ఇలా మాట్లాడతారని అన్నారు. బొత్స చేసిన ఈ వ్యాఖ్యలు వివాదాస్పద మయ్యాయి. వేలాది మంది తెలుగువారు ఉత్తరాఖండ్ లో నానా అవస్థలు పడుతుండగా.. వారికి సానుభూతి చూపాల్సింది పోయి ఈ విధంగా మాట్లాడడం సరికాదని పలువురు విమర్శిస్తున్నారు. కేంద్ర పర్యాటక మంత్రిగా ఉన్న చిరంజీవి ఉత్తరాఖండ్ వెళ్లకుండా..రాష్ట్రంలో తిరుగుతుండడం ఎంత వరకూ సమంజసమని ప్రశ్నిస్తున్నారు. గతంలో ఢిల్లీ 'నిర్భయ' ఘటనపైనా బొత్స వివాదాస్పద వ్యాఖ్యలు చేసిన విషయం తెలిసిందే!