సీఎం శిష్యుడు పై బొత్స ఫైర్ ?

Posted: 06/20/2013 07:08 PM IST

పీసీసీ చీఫ్ బొత్స సత్యనారాయణ ఈరోజు గాంధీ భవన్ లో రాష్ట్ర ముఖ్యమంత్రి నల్లరి కిరణ్ కుమార్ రెడ్డి కి భక్తుడైన ఎమ్మెల్యే వీరా శివారెడ్డి పై వీరాతాండవం చేశారు. గాంధీ భవన్ సాక్షిగా బొత్స వీర శివారెడ్డిపై మండిపడ్డారు. కాంగ్రెస్ పార్టీలో అంతర్గత కుమ్ములాటలు మరోసారి బయటపడ్డాయి. మంత్రులు మహీధర్ రెడ్డి, సి. రామచంద్రయ్యలను తొలగించాలంటూ ఆ పార్టీకి చెందిన ఎమ్మెల్యేలు కిచ్చెన్న గారి లక్ష్మారెడ్డి(కెఎల్ఆర్), వీర శివారెడ్డి సంతకాల సేకరణ నిర్వహించారు. విషయం తెలుసుకున్న పిసిసి చీఫ్ బొత్స సత్యనారాయణ ఇద్దరు ఎమ్మెల్యేలను మందలించినట్లు సమాచారం. పార్టీలో ఉన్న అంతర్గత సమస్యలను ఇలా బహిర్గతం చేయడం మర్యాద కాదని వారికి సూచించినట్లు తెలుస్తోంది. ఇలాంటి ఘటనలతో పార్టీకి నష్టం వాటిల్లుతుందని బొత్స వారిపై ఆగ్రహం వ్యక్తంచేసినట్లు సమాచారం. కాగా 10 మంది ఎమ్మెల్యేలు మద్దతుగా సంతకాలు చేసినట్లు సమాచారం. మహీధర్ రెడ్డిని తొలగించాలంటూ ఆయన సొంత జిల్లాకు చెందిన ముగ్గురు ఎమ్మెల్యేలు మద్దతుపలికినట్లు తెలుస్తోంది. అయితే స్ధానిక సంస్ధల ఎన్నికలు సమీపిస్తున్న ప్రస్తుత తరుణంలో సొంతపార్టీకి చెందిన ఎమ్మెల్యేలే ఇటువంటి చర్యలకు పాల్పడడం కాంగ్రెస్ పార్టీకి మింగుడుపడని అంశంగా మారింది.