దాసరికి సపోర్టు గా టిఆర్ఎస్ ఎమ్మెల్యే?

Posted: 06/11/2013 08:46 PM IST

మాజీ కేంద్రమంత్రి దాసరి నారాయణ రావు పై తెలంగాణ రాష్ట్రం సమితి నాయకులు ప్రేమ కురిపించారు. దాసరి నారాయణరావు ఆస్తుల పై సిబిఐ దాడులు చెయ్యాటాన్ని టీఆర్ఎస్ నాయకులు ఖండించారు. బొగ్గు కుంభకోణంలో దాసరి నారాయణ రావుతోనే దర్యాప్తు ముగించే అవకాశాలున్నాయని కేసిఆర్ కొడుకు, ఎమ్యెల్యే కేటీఆర్ అన్నారు. స్పెక్ట్రం కుంభకోణంలో ప్రధానిని కాపాడడానికి రాజాను వాడుకున్నట్లుబొగ్గు స్కాంలో కూడా దాసరి నారాయణరావుతోనే దర్యాప్తు ముగించే అవకాశాలున్నాయని ఎద్దేవా చేశారు. బొగ్గు స్కాంలో దాసరి పాత్రను తొలుత ప్రస్తావించింది మా పార్టీయేనని కేటీఆర్ ఎత్తి చూపారు. దాసరి తరువాత ఆ శాఖను ప్రధాని తన వద్దే ఉంచుకున్నారని తెలిపిన కేటీఆర్, కోల్ స్కామ్‌లో ఆయన పాత్రపై కూడా దర్యాప్తు జరిపించాలని డిమాండ్ చేశారు. కేటిఆర్ పరోక్షంగా కాంగ్రెస్ పార్టీ పై నిప్పులు కురిపించారు.