ముఖ్యమంత్రి పరువు తీస్తా?

Posted: 06/03/2013 04:10 PM IST

మాజీ మంత్రి ఎమ్మెల్యే శంకరరావుకు మంత్రి పదవి పోవటానికి కారణం ముఖ్యమంత్రి కిరణ్ కుమార్ రెడ్డి అని శంకరరావు కుంటు సభ్యులు ఆరోపించిన విషయం తెలిసిందే. ముఖ్యమంత్రి కిరణ్ కుమార్ రెడ్డిపై మాజీ మంత్రి శంకర రావు మండిపడ్డారు. సీఎం పరువు ను సుప్రీం కోర్టు లో తీస్తానని శంకరరావు ఆవేశంగా అంటున్నారు. అంతేకాకుండా ఆయన ఇష్టారాజ్యంగా వ్యవహరిస్తున్నారని విమర్శించారు. కిరణ్ హయాంలో విడుదలైన ఎర్రచందనం జీవోపై ఉన్నతస్థాయి విచారణ జరిపించాలని డిమాండ్ చేశారు. ఈ విషయమై గత ఏడాది జూలై 10న హైకోర్టులో కేసు వేశానని చెప్పారు. మళ్లీ త్వరలోనే సుప్రీంకోర్టును, సీబీఐ, ఈడీలను ఆశ్రయిస్తానని హెచ్చరించారు. కిరణ్ సీఎం అయిన తరువాత 17 మంది ఎమ్మెల్యేలు, ఇద్దరు ఎంపీలు పార్టీని వీడినట్లు తెలిపారు. 16 మంది పార్టీకి రాజీనామా చేశారని చెప్పారు. నిన్న మరో ఇద్దరు ఎంపీలు టిఆర్ఎస్ పార్టీలో చేరారన్నారు. పార్టీ టికెట్టే అడిగే వాడు లేకుండా కాంగ్రెస్ పార్టీని ఈ సిఎం దిగజార్చారన్నారు. డిఎల్ రవీంద్రా రెడ్డిని మంత్రి వర్గం నుంచి తొలగించడాన్ని ఆయన తప్పుపట్టారు. గతంలో తన మంత్రి పదవి పోవటానికి కారణం సీఎం కారణం అని శంకరరావు అంటున్నారు.