పాకిస్తాన్ లో వరుస బాంబు పేలుళ్ళు

Posted: 04/24/2013 03:22 PM IST

పాకిస్తాన్ లో పది మంది మృతి చెంది, 60 మంది గాయపడిన సంఘటన జరిగి ఒకరోజే అయింది, క్వెట్టా పెషావర్ లలో మరోసారి జరిగిన వరుస బాంబు పేలుళ్ళలో 17 మంది చనిపోయారు. 

బెలూచిస్తాన్ రాజధాని క్వెట్టా లోని శాటిలైట్ టౌన్ లో ఒక హాస్పిటల్ పార్కింగ్ ఏరియా లో సైకిల్ బాంబు రిమోట్ కంట్రోల్ సాయంతో పేల్చటం జరిగింది.  ఈ ఘటనలో 13 మంది చనిపోయారు.  అందులో ఇద్దరు చిన్న పిల్లలున్నారు.  గాయపడినవారిలో ఇద్దరి పరిస్థితి విషమంగా ఉందని వైద్యులు తెలియజేసారు.

పెషావర్ లో నలుగురు చనిపోయారు, అందులో ఇద్దరు మహిళలు.  ఈ ఘటనలో ఒక నివాస స్థలం కూలిపోయింది. 

మరిన్ని బాంబులు పేలాయి కానీ జననష్టం అంతగా అవలేదు.  సింధీ ప్రావిన్స్ లో మాత్రం 20 అడుగుల గ్యాస్ పైప్ లైన్ బాంబు పేలుడుకి దెబ్బతిన్నది. 

నిన్న క్వెట్టాలో జరిగిన ఆత్మాహుతి బాంబు దాడిలో 6గురు చనిపోయారు, 40 మంది గాయపడ్డారు. 

ఉగ్రవాదులను ప్రోత్సహించిన పాకిస్తాన్ కి అగ్ని పర్వతం మీద కూర్చున్నట్లవుతోంది. ఎప్పుడు ఎక్కడ పేలుతుందో తెలియని పరిస్థితి.  కారణమేదైనా ప్రాణాలు పోగొట్టుకుంటున్నవారు అమాయక ప్రజానీకమే. 

-శ్రీజ