రెండు లక్షల మంది విద్యార్థుల్లో నిరాశ నింపిన ఇంగ్లిష్

Posted: 04/22/2013 11:22 AM IST

ఒకరు కాదు...ఇద్దరు కాదు... ఏకంగా రెండు లక్షల మంది విద్యర్థులు బలైయ్యారు. నిన్న ఇంటర్ మొదటి సంవత్సరం పరీక్ష పలితాలు విడుదల చేసిన విషయం తెలిసింది. రెండు లక్షల మంది విద్యార్థుల పాలిట ఇంగ్లిస్ శాపంగా మారింది. ఇంటర్ విద్యార్థులకు ఇంగ్లిష్ కొరకరాని కొయ్యగా మారింది. ఫస్టియర్ జనరల్ కేటగిరీ ఫలితాల్లో ఇంగ్లిష్‌లో 8,91,337 మంది పరీక్ష రాయగా.. 2,02,772 మంది ఫెయిలయ్యారు. మ్యాథ్స్-1ఏ, 1బీలో 4,39,757 మంది పరీక్ష రాయగా.. 1ఏలో 1,09,226 మంది ఫెయిలయ్యారు. 1బీలో 96,235 మంది ఫెయిలయ్యారు. మొత్తంగా మ్యాథ్స్‌లో ఫెయిలైన వారి సంఖ్య 1,30,410. రెండూ ఫెయిలైన వారి సంఖ్య 75,051. అలాగే కెమిస్ట్రీలో 5,48,505 మంది పరీక్ష రాయగా.. 1,12,704 మంది ఫెయిలయ్యారు. ఫిజిక్స్‌లోనూ 99,540 మంది ఫెయిలయ్యారు. తెలుగులోనూ 3,27,473 మందికి 58,080 మంది ఫెయిలవడం గమనార్హం. ఇక గ్రూపుల వారీగా చూస్తే హెచ్‌ఈసీలో కేవలం 25.14 శాతం మాత్రమే ఉత్తీర్ణులయ్యారు. ఎంపీసీలో అత్యధికంగా 66.10 శాతం ఉత్తీర్ణులయ్యారు.