వెండి కడియాల కోసం యువతి కాళ్ళు నరికారు

Posted: 04/16/2013 08:50 AM IST

హైద్రాబాద్ నగర శివార్లలో అఘాయిత్యాలు రాను రాను మరీ హద్దు మీరిపోతున్నాయి.  కోకాపేట ప్రాంతంలో పాత సామాన్ల వ్యాపరం చేసే శంకరమ్మ అనే యువతి కాళ్ళను గుర్తు తెలియని దుండగులు దారుణంగా నరికివేసారు. 

ఈ దుర్మార్గానికి కారణం ఆమె కాళ్ళకి తొడుక్కున్న వెండి కడియాలు.  వెండి కడియాల కోసం కాళ్ళు నరికి పారిపోయిన ఆ దుండగులు ఆమెకు బాగా తెలిసినవాళ్ళే అయ్యుండొచ్చు అని పోలీసులు భావిస్తూ ఆ దిశగా దర్యాప్తు చేస్తున్నారు. 

విపరీతంగా పెరిగి పోయి వెండి బంగారు నగల ధర ఒక కారణమైతే, మంటగలిసి పోతున్న మానవతా విలువలు, అంతరించిపోతున్న మానవత్వమే అసలు కారణమని, నేరస్తులను పట్టుకుని కఠినంగా శిక్షించాలని స్థానికులు అంటున్నారు. 

కాళ్ళు నరికివేయటం వలన జరిగిన అదుపు లేని రక్తస్రావం వలన శంకరమ్మ మరణించింది. 

-శ్రీజ