సీతారాముల వివాహ ఆహ్వానపత్రిక

Posted: 04/11/2013 02:33 PM IST

భద్రాచల క్షేత్రంలో ప్రతి సంవత్సరం ఘనంగా జరిగే సీతారాముల కళ్యాణోత్సవానికి హాజరవవలసిందిగా ముఖ్యమంత్రి కిరణ్ కుమార్ రెడ్డి, గవర్నర్ నరసింహన్ లకు భద్రాచలం రామాలయ ప్రధానార్చకులు ఆహ్వానం పంపించారు. 

ఈ నెల 19 న సీతారామ కళ్యాణం, 20 న పట్టాభిషేక మహోత్సవాలు భద్రాచలం అత్యంత వైభవంగా జరుగనున్నాయి.  ప్రతి సంవత్సరం రాష్ట్ర ముఖ్యమంత్రి ఇతర మంత్రులతో కలిసి స్వామివారికి పట్టు వస్త్రాలు, తలంబ్రాలకు మంచి ముత్యాలు సమర్పించే ఆనవాయితీ పూర్వం నుంచి వస్తోంది. 

ప్రచండంగా ఉండే ఎండ వేడిని లెక్కచెయ్యకుండా ఉక్కపోతలోనే చేతి కర్రతో విసురుకుంటూ ఆ రోజు లక్షలాది మంది భక్తులు భద్రాచల సీతారామ కళ్యాణాన్ని వీక్షిస్తారు.  వచ్చే భక్తుల సౌకర్యార్థం దేవస్థానం ఏర్పాట్లు చెయ్యగా, జిల్లా కలెక్టర్, భద్రాచలం సబ్ కలెక్టర్ల ఆధ్వర్యంలో ఆరోగ్యం, పారిశుభ్రం, రవాణా వ్యవస్థలలో విస్తృతంగా ఏర్పాటు చెయ్యబడతాయి. 

-శ్రీజ