Posted: 03/05/2013 09:24 AM IST

వస్తున్నా మీకోసం లో నేనూ ఉన్నా మీతో అన్న బాలయ్యబాబు. ముందే ప్రకటించినట్లుగానే నందమూరి బాలకృష్ణ తెలుగుదేశం పాదయాత్రలో కదం కలిపారు. కృష్ణా జిల్లా కొమరవోలు దగ్గర వేచియున్న బాలకృష్ణ, చంద్రబాబు నాయుడు అక్కడికి పాదయాత్రలో చేరుకోవటంతోనే ఆయనతో పాటు గా పాదయాత్ర కార్యక్రమంలో తానూ భాగం వహించారు. కొమరవోలు నుంచి శిబిరం వరకూ బాలకృష్ణ చంద్రబాబుతో కలిసి నడిచారు.

నిన్న బాలయ్య చేరుకోవటంతో ఊపందుకున్న పాదయాత్ర మంగళవారం తెల్లవారు ఝామున 3 గంటల వరకూ సాగింది. ఆ తర్వాత చంద్రబాబు గుడివాడ సమీపంలోని గాంధీ ఆశ్రమంలో తనకి ఏర్పాటు చేసిన బసలో విశ్రాంతి తీసుకున్నారు. ఈ రోజు గుడివాడ పట్టణంలో పర్యటన సాగుతుంది.

చంద్రబాబు నాయుడు భార్య భువనేశ్వరి, కుమారుడు లోకేష్ కూడా చంద్రబాబు నాయుడు బస చేసిన చోటికి చేరుకుని ఆయన ఆరోగ్యం గురించి అడిగి తెలుసుకున్నారు.