Posted: 03/01/2013 09:49 AM IST

అడవిలోనూ,  సముద్రంలోనూ వేటకు పోయేవారికి ఎల్లలు తెలియవు.  సముద్రంలో చేపలు పట్టటానికి పోయే జాలర్లు తరచుగా ఇటు శ్రీలంకలోకో, అటు బంగ్లాదేశ్ లోకో, పాకిస్తాన్ లోకో వెళ్ళిపోతుంటారు.  భారత్ పాకిస్తాన్ సరిహద్దుల్లో పశువులను తోలుకుంటూ పాకిస్తాన్ లోకి పొయ్యేవారుంటారు.  అటు నుంచి ఇటు వచ్చేవారుంటారు. కొన్ని సరిహద్దు గ్రామాల్లో అటు ఇటు రాకపోకలు, పెళ్ళిళ్ళూ కూడా జరుగుతుంటాయి.  కానీ ఇరు దేశాల మధ్యా పట్టుదలలు పెరిగినప్పుడు అలాంటి వాళ్ళంతా బలవుతుంటారు. 

ప్రస్తుతం 250 మంది వరకూ జాలర్లు పాకిస్తాన్ జైళ్ళల్లో మగ్గుతున్నారు, భారత్ లో 125 వరకూ పాకిస్తానీయులు ఉన్నారు.  ఈ రోజు 11 మందిని పాకిస్తాన్ నుంచి భారత్ కి పంపించేస్తున్నారు.  అందులో ఏడుగురు జలర్లు, నలుగురు సాధారణ పౌరులు ఉన్నారు.  జాలర్లు ఏడుగురూ కరాచీ జైలు నుండి ఇప్పటికే విడుదలై లాహోర్ లో ఉన్నారు.  లాహోర్ జైలులో ఉన్న నలుగురితో కలిపి పదకొండు మందినీ ఈ రోజు వామా సరిహద్దు దగ్గర భారత సైనికులకు అప్పజెప్తారు. 

-శ్రీజ