Posted: 02/08/2013 09:32 AM IST

తెలంగాణ కాంగ్రెస్ పాంత్రానికి చెందిన ఎంఫీ బలరాం నాయక్ తెలంగాణ పై ఒక ఆసక్తికరమైన ప్రకటన చేశారు. ఈ మధ్యనే కేంద్రమంత్రి అయిన బలరాం నాయక్ కొద్ది రోజుల క్రితం తెలంగాణ రావడం ఖాయం అయిపోయిందని అన్నారు. కానీ తాజాగా మాట మార్చి కాంగ్రెస్ అధినేత్రి ఎప్పడైనా 2014 లోపు తెలంగాణ ఇస్తుందని అన్నారా ? ఆమె ఎప్పుడు తెలంగాణ ఇస్తారని ఎక్కడ అనలేదని అన్నారు. అంటే కమిటీలు, చర్చల తరువాత ప్రకటన చేస్తామని చెబుతున్న కాంగ్రెస్ పెద్దల మాటల్లో ఏ మాత్రం నిజం లేదని, తెలంగాణ ప్రజలను మధ్యపెట్టడానికే ఇంత హడావుడి చేస్తున్నారని,  ఇంత వరకు కాంగ్రెస్ పెద్దలు తెలంగాణ విషయంలో ఓ స్పష్టమైన నిర్ణయం తీసుకోలేదని, 2014 వరకు తెలంగాణ ఇవ్వద్దనే ఆలోచనతో కాంగ్రెస్ ప్రభుత్వం ఉందని బలరాం నాయక్ మాటలను బట్టి అర్థం చేసుకోవచ్చు. ఒక తెలంగాణ ఎంపీ అయి ఉండి ఇలా మాట్లాడటం సరికాదని అంటున్నారు తెలంగాణ వాదులు.