Posted: 01/30/2013 09:40 PM IST

ముఖ్యమంత్రి నల్లారి కిరణ్ కుమార్ రెడ్డికి తెలంగాణ జేఏసీ ఛైర్మెన్ కోదండరామ్ సవాల్ విసిరారు. తెలంగాణ వాదుల పై ముఖ్యమంత్రి కేసులు పెట్టి అరెస్టు చేసే ధైర్యం ఉందా అని ప్రశ్నించారు. ఒక వేళ అరెస్టు చేసేంత దమ్ము ఉంటే ఎప్పుడు అరెస్టు చేస్తారో చెబితే అప్పుడు మేం మీ ఇంటి ముందుకు వచ్చి నిలబడతాం అప్పుడు అరెస్టు చేయండి అని కూడా అన్నారు. ఒక వేళ అరెస్టు చేస్తే తరువాత ఏ పరిణామాలు జరుగుతాయో మీరే చూస్తారు. కేసులు పెడతామని బెదిరించి, భయపెడితే భయపడేవాళ్లం కాదని, తెలంగాణ ఇస్తామని మోసం చేసే ఎంత పెద్దవారైనా తిడతాం అని ఆయన అన్నారు. ప్రజా జీవితంలో ఉన్నవారికి మినహాయింపులు ఉండవని ఆయన పేర్కొన్నారు. అయితే రాజకీయ విశ్లేషకులు మాత్రం కోదండరామ్ ఒక ప్రొఫెసర్ అయి ఉండి ముఖ్యమంత్రి స్థాయి అంతటి వాడికి అలాంటి సవాల్ విసరడం సరికాదని అంటున్నారు. మరి ఎప్పుడు కంట్రోల్ గా మాట్లాడే కోదండరామ్ ఇవాళ ఇలా మాట్లాడటం వెనుక ఆంతర్యం ఏమిటో ?