Posted: 01/30/2013 12:47 PM IST

కాంగ్రెస్ పార్టీలో  టీఆర్ఎస్ పార్టీ  విలీనం చేయటానికి మాకేం అభ్యంతరం లేదని  ఆ పార్టీ ఎమ్మెల్యే చెబుతున్నారు.  అయితే విలీనం గురించి  కాంగ్రెస్ నాయకులు మాటల పై ఆయన మండిపడ్డారు. కాంగ్రెస్ టీఆర్ఎస్ విలీనంపై మాట్లాడాల్సింది సోనియా, రాహుల్‑గాంధీ, ఆజాద్‑లు కానీ, మధుయాష్కీ కాదన్నారు. ఒకవేళ హైదరాబాద్‑తో కూడిన తెలంగాణ ఇస్తామని సోనియా ప్రతిపాదిస్తే ఒక్క నిమిషంలోనే బేషరుతగా టీఆర్ఎస్ విలీన లేఖ ఇవ్వటానికి సిద్ధంగా ఉందని హరీష్ రావు సవాల్ విసిరారు. విలీనం చేయమని మధుయాష్కీ, వీ హనుమంతరావు చెబితే తాము చేయమని తెగేసి చెప్పారు. పనిలో పనిగా ఉండవల్లి అరుణ్‑కుమార్‑పై హరీష్‑రావు విరుచుకుపడ్డారు. ఉండవల్లి అబద్ధాలు మాట్లాడుతూ అబద్ధాలతో బ్రతుకుతున్నారన్నారు. దేశానికి స్వాతంత్ర్యం నెహ్రు కుటుంబం వల్ల వచ్చిందని గాంధీజీని సైతం ఉండవల్లి అవమానించారన్నారు. ఎందరో ప్రాణ త్యాగాల వల్ల దేశానికి స్వాతంత్ర్యం వచ్చిందని, గాంధీజీని అవమానపరిచిన ఉండవల్లి బేషరతుగా క్షమాపణ చెప్పాలని డిమాండ్ చేశారు.